४ लाखांचा ऐवज लांबविला
marathinews24.com
पुणे – शहराच्या वेगवेगळ्या भागात झालेल्या घरफोडीत चोरट्यांनी सदनिकेचे कुलूप तोडून चार लाख रुपयांचे सोन्याचे दागिने लांबविले. धायरी आणि हडपसर भागात या घटना घडल्या.
शीतल तेजवाणीची सलग ६ तास चौकशी – सविस्तर बातमी
सिंहगड रस्ता भागातील धायरीत एका सदनिकेचे कुलूप तोडून चोरट्यांनी एक लाख ७१ हजार रुपयांचे सोन्याचे दागिने लांबविले. एकाने नांदेड सिटी पोलीस ठाण्यात फिर्याद दिली आहे. तक्रारदार हे धायरीतील रायकर मळा परिसरात असलेल्या गंगाविहार सोसायटीत राहायला आहेत. ११ नोव्हेंबर राेजी तक्रारदार आणि कुटुंबीय कामानिमित्त बाहेर गेले होते. चोरट्यांनी सदनिकेचे कुलूप तोडले.शयनगृहातील कपाटातून एक लाख ७१ हजार रुपयांचे सोन्याचे दागिने लांबवून चोरटे पसार झाले. सहायक पोलीस निरीक्षक यादव तपास करत आहेत.
हडपसरमधील शेवाळवाडी भागातील सोसायटीतील सदनिकेचे कुलूप तोडून चोरट्यांनी दोन लाख १९ हजार रुपयांचे दागिने लांबविले. याबाबत एकाने हडपसर पोलीस ठाण्यात फिर्याद दिली आहे. तक्रारदार हे शेवाळवाडीतील जाॅय व्हिलेज सोसायटीत राहायला आहेत. चोरट्यांनी १८ नाेव्हेंबर रोजी सदनिकेचे कुलूप तोडले. कपाटातून सोन्याचे दागिने लांबवून चोरटे पसार झाले. पोलीस उपनिरीक्षक सत्यवान गेंड तपास करत आहेत.
