चंदननगर आणि फुरसुंगी पोलीस ठाण्यात गुन्हा दाखल
marathinews24.com
पुणे – घराचे कुलूप तोडून चोरट्यांनी रोकडसह सोन्या-चांदीचा ऐवज चोरून नेल्याच्या घटना वडगाव शेरी, उरळी देवाची परिसरात घडल्या आहेत. याप्रकरणी चंदननगर आणि फुरसुंगी पोलीस ठाण्यात तक्रार दाखल करण्यात आली आहे. त्यानुसार पोलिसांकडून तपासाला गती देण्यात आली आहे.
पुण्यात जुन्या वादातून तरुणाचा खून; चौघांना अटक – सविस्तर बातमी
वडगाव शेरीतील नामदेवनगरातील आदर्श पात्रा इमारतीतून चोरट्यांनी बंद घराचे कुलूप तोडून आतमध्ये प्रवेश केला. घरातून ५ हजारांची रोकड आणि सोन्या-चांदीचे दागिने असा १ लाख ८७ हजारांचा ऐवज चोरून नेला आहे. ही घटना २४ एप्रिलला सकाळी साडेआठ ते रात्री साडेआठच्या दरम्यान घडली आहे. याप्रकरणी महिलेने चंदननगर पोलिस ठाण्यात फिर्याद दाखल केली आहे. त्यानुसार पोलिसांनी गुन्हा दाखल करीत तपास केला जात आहे. सहायक पोलीस निरीक्षक महेश लामखडे तपास करीत आहेत.
उरळी देवाची परिसरातील मंतरवाडीतील शिवकृपा निवासातून चोरट्यांनी चार हजारांची रोकड आणि सोन्या-चांदीचे दागिने असा २ लाख चार हजारांचा ऐवज चोरून नेला आहे. ही घटना २५ एप्रिलला सकाळी दहा ते संध्याकाळी सव्वा पाचच्या सुमारास घडली आहे. याप्रकरणी तक्रारदाराने फुरसुंगी पोलीस ठाण्यात फिर्याद दाखल केली आहे. त्यानुसार आजूबाजूच्या सीसीटीव्ही फुटेजनुसार आरोपींचा शोध घेतला जात असल्याचे पोलिसांनी सांगितले. पोलीस उपनिरीक्षक विनोद पवार तपास करीत आहेत.
