३५ किलो गांजा जप्त
marathinews24.com
पुणे – कारमधून गांजा तस्करी करणार्या दोघा सराईतांना पुणे पोलिसांच्या युनीट पाचने अटक केली आहे. त्यांच्याकडून ३४ किलो ४४० ग्रॅम गांजा, मोटार असा १४ लाख ८४ हजारांचा ऐवज जप्त केला आहे. अक्षय पोपटराव पाडुळे (वय ३१ रा. बिल्डींग नंबर ११ फ्लॅट नंबर १०७, नविन म्हाडा कॉलनी, सुरक्षानगर, हडपसर) विशाल दत्तात्रय जाधव (वय २८ रा. हिंगणे मळा, हडपसर) अशी अटक केलेल्यांची नावे आहेत.
पुण्यात भाजप, काँग्रेसचे कार्यकर्त्यामध्ये तुंबळ हाणामारी – सविस्तर बातमी
शहरात अंमली पदार्थाची तस्करी रोखण्यासाठी पोलिसांकडून मोहिम हाती घेण्यात आली आहे. त्याअनुषंगाने गुन्हे शाखेचे पथक लोणी काळभोर परिसराच्या हद्दीत पेट्रोलिंग करीत होते. त्यावेळी युनीट पाचने कदमवाक वस्ती परिसरात सापळा रचून सराईत अक्षय पाडुळे आणि विशाल जाधव यांना ताब्यात घेतले. चौकशीत त्यांच्या मोटारीतून ३४ किलो ४४० ग्रॅम गांजा जप्त करण्यात आला. आरोपींनी एकमेकांना संपर्क करण्यासाठी वापरलेले मोबाईलही ताब्यात घेण्यात आले आहेत.
गांजा तस्कराी केल्याप्रकरणी संबंधित दोघांविरूद्ध लोणी काळभोर पोलीस ठाण्यात एन.डी.पी.एस कायद्यान्वये गुन्हा दाखल केला आहे. त्यांच्या इतर तीन साथीदारांचा शोध घेतला जात आहे. दरम्यान, आरोपी अक्षय पाडुळे हा साकीनाका पोलीस ठाण्यातंर्गत खुनाचा प्रयत्न गुन्ह्यात वर्षभरापासून पोलिसांना गुंगारा देत होता. ही कामगिरी अपर पोलीस आयुक्त पंकज देशमुख, राजेंद्र मुळीक, पोलीस निरीक्षक संदीपान पवार, उपनिरीक्षक अभिजीत पवार, उपनिरीक्षक वैभव मगदुम, नासिर देशमुख, विनोद शिवले, प्रताप गायकवाड, अकबर शेख, शशिकांत नाळे, सुभाष आव्हाड, किशोर दुसिंग, वैभव रणपिसे, उमाकांत स्वामी, स्वाती तुपे, अमर चव्हाण, शहाजी काळे,राहुल ढमढेरे अविनाश इंगळे यांनी केली.
