आंबेगाव पोलीस ठाण्यात गुन्हा दाखल
marathinews24.com
पुणे – परिचारिकेशी अश्लील कृत्य केल्याप्रकरणी एका डाॅक्टरविरुद्ध आंबेगाव पोलिसांनी गुन्हा दाखल केला. याबाबत एका तरुणीने आंबेगाव पोलीस ठाण्यात फिर्याद दिली आहे. तिने दिलेल्या फिर्यादीनुसार, एका ४८ वर्षीय डाॅक्टरविरुद्ध गुन्हा दाखल करण्यात आला आहे.
पुण्यात मद्यधुंद मोटार चालकाच्या धडकेत पबमधील कर्मचारी ठार – सविस्तर बातमी
पोलिसांनी दिलेल्या माहितीनुसार, तक्रारदार तरुणी परिचारिका आहे. जांभुळवाडी रस्त्यावर असलेल्या एका दवाखान्यात ती काम करते. शनिवारी (२९ नोव्हेंबर) ती नेहमीप्रमाणे सकाळी दवाखान्यात आली. काम करताना तिच्या हाताला जखम झाली. त्यानंतर दुपारी साडेबाराच्या सुमारास डाॅक्टरने परिचारिका तरुणीला केबीनमध्ये बोलाविले. तरुणीच्या हाताला मलमपट्टी करण्याचा बहाण्याने डाॅक्टरने तिच्याशी अश्लील कृत्य केले. या घटनेनंतर तरुणीने पोलिसांकडे तक्रार दिली. सहायक पोलीस निरीक्षक दोडमिसे तपास करत आहेत.
