शिवाजीनागर पोलिसांनी केला गुन्हा दाखल
marathinews24.com
पुणे – खासगी कंपनीतील कर्माचारी महिलेचा लैंगिक छळ केल्या प्रकरणी कंपनीच्या मुख्य कार्यकारी अधिकाऱ्यांसह चौघांविरुद्ध शिवाजीनागर पोलिसांनी गुन्हा दाखल केला.
बाह्यवळण मार्गावर अपघातात दुचाकीवरील महिलेचा मृत्यू – सविस्तर बातमी
याबाबत एका महिलेने शिवाजीनगर पोलीस ठाण्यात फिर्याद दिली आहे. महिलेने दिलेल्या फिर्यादीनुसार, आनंद राठी वेल्थ कंपनीचे मुख्य कार्यकारी अधिकारी राकेश रावल, कार्यकारी संचालक सपन चक्रवर्ती, फिरोज अजीज, तेजल शहा, सोनाली रावल यांच्याविरुद्ध गुन्हा दाखल करण्यात आला आहे.
पोलिसांनी दिलेल्या माहितीनुसार, ३३ वर्षीय पीडित महिला शिवाजीनगर भागातील आनंद राठी वेल्थ या खासगी वित्तीय संस्थेत कामाला आहे. कंपनीतील कार्यकारी संचालकाने महिलेशी लगट करुन तिचा विनयभंग केला. महिलेचा पाठलाग करुन तिचा छळ केला. याबाबतची तक्रार कोणाला केल्यास कंपनीतून काढून टाकेल, अशी धमकी दिली. त्यानंतर पीडित महिलेने कंपनीच्या मुख्य कार्यकारी अधिकाऱ्यांसह अन्य संचालकांकडे तक्रार दिली. या तक्रारीची दखल घेतली नाही. तक्रारीची दखल न घेता सूडबुद्धीने दुबईतील कार्यालया बदली केली, असे महिलेने फिर्यादीत म्हटले आहे. पोलीस उपनिरीक्षक जाधव तपास करत आहेत.
