वानवडी पोलीस ठाण्यात गुन्हा दाखल
marathinews24.com
पुणे – किराणा माल विक्री करणाऱ्या दुकानाचे कुलूप तोडून चोरट्यांनी गल्ल्यातील ३ लाख रुपयांची रोकड लांबविल्याची घटना वानवडी भागात घडली. याबाबत किराणा माल विक्रेते मनोहर रामूरामजी माचरा (वय २९, रा. केशव माधव सोसायटी, केदारीनगर, वानवडी) यांनी वानवडी पोलीस ठाण्यात फिर्याद दिली आहे.
मोक्का कारवाईनंतर फरार झालेले दोघे अटकेत – सविस्तर बातमी
पोलिसांनी दिलेल्या माहितीनुसार, माचरा यांचे वानवडीतील शहीद अशोक कामटे उद्यान परिसरात बालाजी ट्रेडर्स हे किराणा माल विक्री दुकान आहे. बँकेला सुट्टी असल्याने त्यांनी दुकानात जमा झालेली तीन लाखांची रोकड गल्ल्यात ठेवली होती. शनिवारी मध्यरात्री चोरट्यांनी दुकानाचे कुलूप तोडून गल्ल्यातील तीन लाख रुपयांची रोकड लांबविल्याची घटना घडली. रोकड चोरीला गेल्याचा प्रकार उघडकीस आल्यानंतर त्यांनी पोलिसांकडे तक्रार दिली. घटनेची माहिती मिळताच वानवडी पोलिसांनी घटनास्थळी भेट दिली. पसार झालेल्या चोरट्यांचा शोध घेण्यात येत असून, पोलीस उपनिरीक्षक वाकडे तपास करत आहेत.
