खाकी वेशात धमकी देत आरोपीचा धिंगाणा; लोहगाव पोलिसांकडून शोध सुरू
marathinews24.com
पुणे – पोलीस असल्याचे सांगून महाविद्यालयीन तरूणाला मारहाण केल्याची घटना लोहगाव भागात घडली.याप्रकरणी लोहगाव पोलीस ठाण्यात संबंधिताने तक्रार दिली आहे. त्यानुसार दुचाकीस्वाराविरुद्ध गु्न्हा दाखल करण्यात आला आहे. तक्रारदार १७ वर्षीय तरूण शनिवारी रात्री साडेनऊच्या सुमारास दुचाकीवरुन मित्रासोबत घरी निघाला होता. लोहगावमधील डी. वाय. पाटील महाविद्यालयाजवळ असलेल्या चौकात पाणी साचले होते.
जनगणनेनंतरच अनुसूचित जातींचे उपवर्गीकरण करा – सविस्तर बातमी
साचलेल्या पाण्यातून दुचाकी गेल्यान दुचाकीस्वाराच्या अंगावर पाणी उडाले. त्याने दुचाकीस्वाराची माफी मागितल्यानंतरही आरोपी दुचाकीस्वाराने मारहाण केली. पोलीस असल्याची बतावणी करीत ठाण्यात चल, तुला दाखवितो, अशी धमकी दिली. त्यानंतर दुचाकीस्वार तेथून पसार झाला. आरोपी दुचाकीस्वाराने हेम्लेट, जाकीट, खाकी पॅण्ट परिधान केली होती. दुचाकीवर महाराष्ट्र पोलीसचे बोधचिन्ह असल्याचे फिर्यादीत म्हटले आहे. तरुणाने दिलेल्या फिर्यादीनुसार, दुचाकीस्वाराविरुद्ध गुन्हा दाखल केला आहे. पोलिसांनी लोहगाव परिसरातील सीसीटीव्ही चित्रीकरण तपासले असून, पसार झालेल्या आरोपीचा शोध घेण्यात येत आहे.
