पोलिसांनी चोरट्यांविरुद्ध केला गुन्हा दाखल
marathinews24.com
पुणे – शहरातील शिवाजीनगर भागात ज्येष्ठ नागरिकाला धमकावून चोरट्यांनी त्यांच्याकडील रोकड चोरून नेल्याची घटना घडली. याबाबत ८४ वर्षीय ज्येष्ठ नागरिकाने डेक्कन पोलीस ठाण्यात फिर्याद दिली असून पोलिसांनी चोरट्यांविरुद्ध गुन्हा दाखल केला.
महापालिका भवन, कल्याणीनगरमध्ये मोबाइल हिसकाविला – सविस्तर बातमी
पोलिसांनी दिलेल्या माहितीनुसार, तक्रारदार ज्येष्ठ नागरिक हे शिवाजीनगर भागात राहायला आहेत. शनिवारी (१४ फेब्रुवारी) सकाळी नऊच्या सुमारास ते शिवाजीनगर भागातील सागर अपार्टमेंटसमोर थांबले होते. त्या वेळी दुचाकीवरून दोन चोरटे तेथे आले. त्यांनी ज्येष्ठ नागरिकाला धमकावले. त्यांच्या खिशातील रोकड आणि कागदपत्रे हिसकावून चोरटे पसार झाले. या घटनेची महिती मिळताच पोलिसांनी घटनास्थळी धाव घेतली. पोलिसांनी परिसरातील सीसीटीव्ही चित्रीकरण तपासले. पसार झालेल्या चोरट्यांचा माग काढण्यात येत असून, पोलीस उपनिरीक्षक अजय भोसले तपास करत आहेत.
