शिवाजीनगर पोलीस ठाण्यात गुन्हा दाखल
marathinews24.com
पुणे – महापालिका भवन परिसरात थांबलेल्या तरुणाकडील मोबाइल हिसकावून नेल्याची घटना नुकतीच घडली. याबाबत एका तरुणाने शिवाजीनगर पोलीस ठाण्यात फिर्याद दिली आहे. तक्रारदार तरुण धायरी भागात राहायला आहे. १३ फेब्रुवारी रोजी रात्री साडेदहाच्या सुमारास तरुण महापालिका भवन परिसरात थांबला होता. धायरीकडे जाण्यासाठी त्याने ॲपचा वापर करून मोटार नोंंदणी केली. त्या वेळी दुचाकीवरून आलेल्या चोरट्यांनी तरुणाच्या हातातील ६० हजारांचा मोबाइल हिसकावून नेला. पोलीस कर्मचारी अशोक धावडे तपास करत आहेत.
बिबवेवाडीत फ्लॅटचे कुलूप तोडून साडेदहा लाखांचा ऐवज चोरी – सविस्तर बातमी
येरवड्यातील कल्याणीनगर परिसरात एकाकडील एक लाख रुपयांचा मोबाइल हिसकावून नेण्याची घटना नुकतीच घडली. याबाबत एकाने येरवडा पोलीस ठाण्यात फिर्याद दिली आहे. तक्रारदार तरुण मूळचा दिल्लीचा आहे. १३ फेब्रुवारी रोजी रात्री साडेदहाच्या सुमारास तरुण कल्याणीनगर भागात थांबला होता. दुचाकीस्वार चोरट्यांनी तरुणाकडील मोबाइल हिसकावून नेला. पोलीस उपनिरीक्षक महेश फटांगरे तपास करत आहेत.
एसटी प्रवासी महिलेचा ऐवज चोरी
प्रवासी महिलेकडील ७९ हजार रुपयांचा मुद्देमाल चोरून नेल्याची घटना घडली. याबाबत एका ज्येष्ठ महिलेने खडक पोलीस ठाण्यात फिर्याद दिली आहे. पोलिसांनी दिलेल्या माहितीनुसार, तक्रारदार ७२ वर्षीय महिला सांगली जिल्ह्यातील कवलापूर गावच्या रहिवासी आहे. त्या सांगली ते स्वारगेट दरम्यान एसटी बसने प्रवास करत होत्या. प्रवासादरम्यान, चोरट्यांनी त्यांच्या पिशवीतून १५०० रुपये, सोन्याचे दागिने, मोबाइल संच, कागदपत्रे असा ७९ हजार रुपयांचा मुद्देमाल चोरून नेल्याची घटना घडली. पोलीस कर्मचारी फरांदे तपास करत आहेत.
