वानवडी भागातील घटना
marathinews24.com
पुणे – सोसायटीच्या आवारातील वीज मीटरला आग लागल्याची घटना वानवडी भागात घडली. आग पसरल्याने सोसायटीच्या आवारात लावलेल्या दोन मोटारी, तसेच दोन दुचाकी जळाल्या. सुदैवाने या घटनेत कोणी जखमी झाले नाही. सोसायटीतील रहिवाशांनी आवारातील अग्निशमन यंत्रणा कार्यान्वित करुन आग आटोक्यात आणण्याचा प्रयत्न केला.
पुण्यात वस्त्रदालनातून दीड लाखांच्या साड्या चोरी – सविस्तर बातमी
वानवडी भागातील साळुंके विहार रस्त्यावर मेस्ट्रोज सोसायटी आहे. सोमवारी रात्री सोसायटीच्या आवारातील वीज मीटरच्य खोक्यात आग लागली. काही क्षणात आग पसरली. सोसायटीच्या आवारात लावलेल्या दोन मोटारींसह दुचाकींना आगीची झळ पोहोचली. मोटारींसह दुचाकींनी पेट घेतला. आगीत वाहने जळाली. या घटनेची माहिती अग्निशमन दलाला कळविण्यात आली. सोसायटीच्या आवारात मोठ्या प्रमाणावर धूर झाल्याने रहिवाशांमध्ये घबराट उडाली. रहिवासी तळमजल्यावर आले. सोसायटीच्या आवारातील अग्निशमन यंत्रणा (फायर फायटिंग सिस्टिम) कार्यान्वित करुन आग आटोक्यात आणण्याचा प्रयत्न करण्यात आला. अग्निशमन दलाचे जवान घटनास्थळी पोहोचले. जवांनी पाण्याचाा मारा करुन आग आटोक्यात आणली. सुदैवाने या घटनेत कोणी जखमी झाले नाही. वीज मीटरमध्ये शाॅर्टसर्किट झाल्याने आग लागल्याची शक्यता अग्निशमन दलाच्या अधिकाऱ्यांनी व्यक्त केली.
