लोणीकंद पोलीस ठाण्यात गुन्हा दाखल
marathinews24.com
पुणे – भांडणाच्या रागातून टोळक्याने कुटूंबियाला बेदम मारहाण केली. त्यांच्या घराच्या दरवाजासह खिडकीचे नुकसान केल्याची घटना १८ ते १९ फेबु्रवारीला लोणीकंद परिसरातील वाडेगाव शिंदेवस्ती यापरिसरात घडली आहे. याप्रकरणी दोघांना अटक करण्यात आली आहे. राजेंद्र गेनुभाउ शिंदे (वय ३८) आणि आदेश तुषार शिंदे (वय २६ रा. शिंदेवस्ती, वाडेगाव) अशी अटक केलेल्यांची नावे आहेत. याप्रकरणी २९ वर्षीय तरूणाने लोणीकंद पोलीस ठाण्यात फिर्याद दाखल केली आहे.
चायनिज विक्रेत्याकडे खंडणीची मागणी करीत मारहाण – सविस्तर बातमी
पोलिसांनी दिलेल्या माहितीनुसार, तक्रारदार हे लोणीकंद परिसरातील वाडेगाव शिंदेवस्ती परिसरात राहायला आहेत. जुन्या भांडणाच्या रागातून आरोपींनी तक्रारदाराला जीवे मारण्याची धमकी दिली. तक्रारदाराच्या भावाला, बहिणीला हाताने मारहाण करून जखमी केले. त्यांच्या घराच्या दरवाजासह खिडक्यांचे नुकसान केले आहे. याप्रकरणी पोलीस उपनिरीक्षक दिलीप पालवे तपास करीत आहेत.
