कोणतीही जीवितहानी नाही
marathinews24.com
पुणे – हडपसरमधील कृष्णानगर भागात शनिवारी पहाटे एका गोदामात आग लागली. गोदामाच्या परिसरात असलेल्या चार झोपड्या जळाल्या. सुदैवाने या घटनेत कोणी जखमी झाले नाही. या परिसरात लावलेल्या चार दुचाकी जळाल्या.
वैमनस्यातून मार्केटयार्ड परिसरात एकावर पिस्तुलातून गोळीबार – सविस्तर बातमी
हडपसरमधील कृष्णानगर भागात गोदाम आहे. शनिवारी पहाटे साडेचारच्या सुमारास गोदामाला आग लागली. गोदामाच्या शेजारी असलेल्या झोपड्यांना झळ पोहोचली. आगीत चार झोपड्या जळाल्या. गोदामाच्या परिसरात लावलेल्या चार दुचाकींनी पेट घेतला. या घटनेची माहिती मिळताच अग्निशमन दलाच्या हडपसर केंद्रातील बंब, टँकर घटनास्थळी दाखल झाले. जवानांनी पाण्याचा मारा करुन अर्ध्या ते पाऊण तासात आग आटाेक्यात आणली. गोदामात आग लागल्याचे समजताच शेजारी असलेल्या झोपड्यांमधील रहिवासी बाहेर पडल्याने बचावले. झोपड्यांमधील गृहोपयोगी साहित्य, शेजारी लावलेल्या चार दुचाकी जळाल्या. आगीमागचे निश्चित कारण समजू शकले नाही, अशी माहिती अग्निशमन दलाने दिली.
