खराडी पोलीस ठाण्यात गुन्हा दाखल
marathinews24.com
पुणे – भरदिवसा फ्लॅटचे कुलूप तोडून चोरट्यांनी कपाटातील ३ लाख २५ हजार रुपयांचे सोन्याचे दागिने लांबविल्याची घटना खराडी भागात एका सोसायटीत घडली. याप्रकरणी चोरट्यांविरुद्ध गुन्हा दाखल करण्यात आला आहे. याबाबत एकाने खराडी पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, चोरट्यांविरुद्ध गुन्हा दाखल करण्यात आला आहे.
गुप्तचर यंत्रणेत अधिकारी असल्याच्या बतावणीने ४ कोटींची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार हे खराडीतील साई सदन सोसायटीत राहायला आहेत. रविवारी (१४ सप्टेंबर) तक्रारदार आणि कुटुंबीय हे सदनिका बंद करुन सकाळी सातच्या सुमारास बाहेर गेले होते. चोरट्यांनी सदनिकेचे कुलूप तोडले. शयनगृहातील कपाट उचकटून चोरट्यांनी तीन लाख २५ हजार रुपयांचे सोन्याचे दागिने लांबविले. रात्री नऊच्या सुमारास तक्रारदार कुटुंबीयांसोबत घरी आले. तेव्हा सदनिकेचे कुलूप तुटल्याचे लक्षात आले. चोरट्यांनी कपाटातून दागिने चोरल्याचे उघडकीस आल्यानंतर त्यांनी पोलिसांकडे तक्रार दिली. सहायक पोलीस निरीक्षक गोडसे तपास करत आहेत.
