बिबवेवाडी-कोंढवा रस्त्यावरील घटना
marathinews24.com
पुणे – किरकोळ वादातून आतेभावाने मित्राच्या मदतीने तरुणाच्या डोक्यात सिमेंटचा गट्टू मारून खून केल्याची धक्कादायक घटना बिबवेवाडी-कोंढवा रस्त्यावर सोमवारी पहाटे घडली. याप्रकरणी मार्वेâटयार्ड पोलिसांनी आतेभावाला अटक केली. रोहन कांतीलाल ओव्हाळ (वय २८, रा. काकडे वस्ती, कोंढवा) असे खून झालेल्या तरुणाचे नाव आहे. कौशल लांडगे (वय २०, रा. काळेपडळ, हडपसर) याला अटक करण्यात आली. त्याच्याबरोबर असलेला साथीदार अंश पटेल (वय १८) याच्याविरुद्ध गु्न्हा दाखल केला आहे. याबाबत रोहन ओव्हाळच्या बहिणीने फिर्याद दिली आहे.
शेअरमध्ये गुंतवणुकीच्या आमिषाने ३७ लाखांची फसवणूक – सविस्तर बातमी
पोलिसांनी दिलेल्या माहितीनुसार, रोहन ओव्हाळ हा बेरोजगार होता. कौशल लांडगे त्याचा आतेभाऊ आहे.दोघात काही दिवसांपुर्वी भांडणे झाले होते. त्याच रागातून सोमवारी पहाटेच्या सुमारास आरोपी कौशल आणि त्याच्याबरोबर असलेल्या साथीदाराने रोहनला गाठले. बिबवेवाडी-कोंढवा रस्त्यावरील अश्विनी पॅरेडाईज सोसायटीजव त्याला शिवीगाळ करुन पट्टयाने मारहाण केली. त्यानंतर त्याच्या डोक्यात रस्त्यात पडलेला सिमेंटचा गट्टू मारला. रोहन गंभीर जखमी झाल्यानंतर आरोपी तेथून पसार झाले. या घटनेची महिती मिळताच पोलिसांनी घटनास्थळी धाव घेतली. पसार झालेल्या कौशलला अटक करण्यात आली. वरिष्ठ पोलीस निरीक्षक विश्वजित जगताप तपास करत आहेत.
