सायबर चाेरट्यांविरुद्ध गुन्हा दाखल
marathinews24.com
पुणे – शेअर बाजारात गुंतवणुकीच्या आमिषाने एकाची साडेतीन लाख रुपयांची फसवणूक करण्यात आल्याचा प्रकार उघडकीस आला. याप्रकरणी सायबर चाेरट्यांविरुद्ध गुन्हा दाखल करण्यात आला. याबाबत एकाने काळेपडळ पोलीस ठाण्यात फिर्याद दिली आहे.
आंबेगावमध्ये डायग्नोस्टीक स्टोअरमध्ये साहित्याची विक्री – सविस्तर बातमी
पोलिसांनी दिलेल्या माहितीनुसार, तक्रारदार हे हडपसर भागात राहायला आहेत. सायबर चोरट्यांनी त्यांच्या मोबाइल क्रमांकावर संपर्क साधला. शेअर बाजारात गुंतवणूक केल्यास चांगला परतावा मिळेल, असे आमिष दाखवून त्यांना जाळ्यात ओढले. सायबर चोरट्यांनी त्यांना एक लिंक पाठविली. तक्रारदाराने चोरट्यांच्या बँक खात्यात वेळोवेळी ३ लाख ५५ हजार रुपये जमा केले. पैसे जमा केल्यानंतर चोरट्यांनी त्यांना परतावा दिला नाही. फसवणूक झाल्याचे उघडकीस आल्यानंतर त्यांनी नुकतीच पोलिसांकडे तक्रार दिली. सहायक पोलीस निरीक्षक अमित शेटे तपास करत आहेत.
