२७ लाख ४१ हजारांची झाली फसवणूक
marathinews24.com
पुणे – शेअर ट्रेडींगमध्ये गुंतवणूक केल्यास चांगला परतावा मिळवून देतो, अशी बतावणी करीत सायबर चोरट्याने एकाला तब्बल २७ लाख ४१ हजारांचा ऑनलाईन गंडा घातला आहे. ही घटना १० ऑगस्ट ते ३ नोव्हेंबर २०२५ कालावधीत खडकीतील रेंजहिल्स परिसरात घडली आहे. याप्रकरणी ४८ वर्षीय नागरिकाने खडकी पोलीस ठाण्यात तक्रार दाखल केली आहे. त्यानुसार मोबाइलधारक, बँकखाते धारकाविरूद्ध गुन्हा दाखल करण्यात आला आहे.
कोथरूड, बाणेरमध्ये घरफोडी; ४ लाखांचा ऐवज चोरीला – सविस्तर बातमी
पोलिसांनी दिलेल्या माहितीनुसार, तक्रारदार हे खडकीतील रेंजहिल्स परिसरात राहायला असून, १० ऑगस्टला सायबर चोरट्यांनी त्यांना फोन केला. शेअर मार्वेâटमध्ये गुंतवणूक केल्यास चांगला परतावा मिळवून देतो, अशी बतावणी केली. त्यांचा विश्वास संपादित झाल्यानंतर तक्रारदाराने गुंतवणूकीला सुरूवात केली. तब्बल २७ लाख ४१ हजार रूपयांची गुंतवणूक करूनही त्यांना परतावा मिळाला नाही. फसवणूक झाल्याचे लक्षात आल्यानंतर त्यांनी खडकी पोलीस ठाण्यात धाव घेत तक्रार दाखल केली. याप्रकरणी वरिष्ठ पोलीस निरीक्षक विक्रमसिंग कदम तपास करीत आहेत.
जादा परताव्याला भुलू नका
नागरिकांनो जादा परतावा देण्याचे आमिष दाखवून सायबर चोरटे अनेकांना जाळ्यात अडकवत आहेत. त्यापार्श्वभूमीवर कोणत्याही आमिषाला बळी न पडता जादा परताव्याचे आमिष टाळावे, असे आवाहन पुणे सायबर पोलिसांनी केले आहे. अशा पद्धतीने जाळे टाकणार्याविरूद्ध कारवाई करण्यासाठी नागरिकांनी पुढाकार घेतला पाहिजे. त्यांची तक्रार जवळच्या पोलीस ठाण्यात करावी, असेही पोलिसांनी आवाहन केले आहे.
