चतु:शृंगी पोलिसंनी टाेळक्याविरुद्ध केला गुन्हा दाखल
marathinews24.com
पुणे – नाचताना धक्का लागल्याच्या कारणातून झालेल्या वादातून टोळक्याने चौघांना मारहाण केली. ही घटना ओैंधमधील इंदिरा गांधी वसाहतीत घडली. याप्रकरणी चतु:शृंगी पोलिसंनी टाेळक्याविरुद्ध गुन्हा दाखल केला. कुणाल नंदकिशोर तुजारे (वय २२, रा. श्री हनुमान मंदिराजवळ, इंदिरा गांधी वसाहत, ओैंध) याने फिर्याद दिली आहे. त्याने दिलेल्या फिर्यादीनुसार, प्रमोद घडसिंग, समीर घडसिंग, भैय्या सरोदे, तेजस देवकर, ओमकार पाटोळे (सर्व रा. इंदिरा गांधी वसाहत, ओैंध) यांच्या विरुद्ध गुन्हा दाखल केला आहे.
मतदार यादी पुनर्निरीक्षणाचे काम करण्यास दिरंगाई – सविस्तर बातमी
पोलिसांनी दिलेल्या माहितीनुसार, कुणाल तुजारे याचे वडील बुधवारी (१ एप्रिल) सायंकाळी साडेसहाच्या सुमारास इंदिरा गांधी वसाहतीतील एका सार्वजनिक कार्यक्रमात नाचत होते. साऊंडवर गीते लावण्यात आली होती. त्या वेळी नाचताना आरोपी प्रमोद घडसिंग याला कुणालच्या वडिलांचा धक्का लागला . त्या कारणातून वाद झाला. त्यानंतर आरोपींनी कुणालचे वडील नंदकिशोर यांना मारहाण केली. कुणाल आणि त्याचा पुतण्या आरोपींना जाब विचारण्यास गेले. तेव्हा टोळक्याने त्यांना मारहाण केल्याचे फिर्यादीत म्हटले आहे. पोलीस हवालदार गायकवाड तपास करत आहेत.
