ग्रंथप्रेमी रसिकांनी दोन दिवसीय ग्रंथोत्सवाचा व ग्रंथप्रदर्शनाचा लाभ घेण्याचे आवाहन
marathinews24.com
पुणे – उच्च व तंत्र शिक्षण विभाग ग्रंथालय संचालनालय आणि जिल्हा ग्रंथालय अधिकारी कार्यालय यांच्या संयुक्त विद्यमाने १४ व १५ मार्च २०२६ दोन दिवसीय आर्य समाज पुस्तकालय व मोफत वाचनालय, पिंपरी कॉलनी, महर्षी दयानंद मार्ग, पिंपरी, येथे ‘ग्रंथोत्सव-2025’ चे आयोजन करण्यात येणार आहे.
छत्रपती शिवाजी महाराज महाराजस्व समाधान शिबीरामध्ये ५७५ दाखल्याचे वितरण-वैभव नावडकर – सविस्तर बातमी
उपमुख्यमंत्री तथा जिल्ह्याच्या पालकमंत्री सुनेत्रा अजित पवार यांच्या हस्ते ग्रंथोत्सवाचे उद्घाटन होणार असून कार्यक्रमाचे अध्यक्ष लेखक व साहित्यिक प्रा.डॉ. शरद गायकवाड असणार आहे. यावेळी जिल्ह्यातील लोकप्रतिनिधी उपस्थित राहणार आहेत. या निमित्ताने ग्रंथ प्रदर्शन, विक्री आणि त्यासोबतच विविध साहित्यिक व सांस्कृतिक कार्यक्रमांचे आयोजन करण्यात येणार आहे. ग्रंथोत्सवाचा समारोप १५ मार्च रोजी जेष्ठ साहित्यिक बाबा भांड, यांच्या उपस्थितीत होणार असल्याची माहिती जिल्हा ग्रंथालय अधिकारी श्रीमती श्रेया गोखले यांनी दिली दिली आहे.
कार्यक्रमाचे स्वरुप :
शनिवारी पहिल्या सत्रात सकाळी ९ वाजता ग्रंथदिंडीचे आयोजन करण्यात आले आहे. पिपंरी परिसरातील शालेय विद्यार्थी व जिल्ह्यातील शासनमान्य ग्रंथालयांचे पदाधिकारी व कर्मचारी यांचा सहभागी होणार आहे. त्यानंतर सकाळी ११.३० वा. ग्रंथ प्रदर्शनाचे उद्घाटन, दुसऱ्या सत्रात दुपारी ३ ते ४ या वेळेत त लोकमाता ते राजमाता पुण्यश्लोक अहिल्यादेवी होळकर” या विषयांवर डॉ. अनुजा कुलकर्णी यांचे व्याख्यान तसेच दुपारी ४ ते ५.३० या वेळेत ‘गझल: वाटचाल उर्दूतून मराठीकडे’ सादरकर्ते प्रदीप निफाडकर यांचे माहितीपर व्याख्यान होणार आहे.
रविवारी पहिल्या सत्रात सकाळी ११ ते दुपारी १.३० वाजेपर्यंत कलाविष्कारः शालेय विद्यार्थी कला गुण सादरीकरण हा विद्यार्थ्यांच्या गुणविशेष कार्यक्रमाचे आयोजन करण्यात येणार असून शाळा व सार्वजनिक ग्रंथालयांचे पदाधिकारी व कर्मचारी सहभागी होणार आहे. दुपारी २ वा. चला समृध्द पिढी घडवूयाः वाचन संस्कारांच्या माध्यमातून सीमा शिंदे, जि.प. शिक्षिका यांचे विद्यार्थी व पालकांसाठी मार्गदर्शन होणार आहे. दुपारी ४ वा. इनुची गोष्ट- या पुस्तकाचे लेखक युनूस सय्यद यांची प्रकट मुलाखत लेखिका आशा नेगी घेणार आहेत.
दोन दिवसीय ग्रंथोत्सवात विविध नामांकित प्रकाशकाच्या दर्जेदार पुस्तकांचे प्रदर्शन भरविण्यात येणार आहे. प्रदर्शनाची वेळ सकाळी १० ते रात्री ६ वाजेपर्यंत असून प्रवेश विनामूल्य आहे. तरी सर्व नागरिक व ग्रंथप्रेमी रसिकांनी या दोन दिवसीय ग्रंथोत्सवाचा व ग्रंथप्रदर्शनाचा लाभ घ्यावा, असे आवाहन करण्यात येत आहे.
