विद्यार्थ्यांना संसदीय प्रक्रियेची सर्वांगीण माहिती
marathinews24.com
नागपूर – राष्ट्रकुल संसदीय मंडळ महाराष्ट्र शाखेच्या ५१ व्या संसदीय अभ्यासवर्गाला उपमुख्यमंत्री एकनाथ शिंदे यांनी संबोधित केले. या वेळी विधानपरिषद उपसभापती डॉ. नीलम गोऱ्हे, संसदीय कार्य मंत्री चंद्रकांत पाटील, सचिव मेघना तळेकर तसेच मोठ्या संख्येने विद्यार्थी उपस्थित होते.
शासकीय योजनांचा लाभ घेत तरुणांनी उद्योजक व्हावे- हर्षवर्धन रानडे – सविस्तर बातमी
उपमुख्यमंत्री शिंदे यांनी ‘लोक प्रतिनिधींची मतदारसंघाप्रती जबाबदारी आणि सभागृहाच्या माध्यमातून उपलब्ध असलेले संविधानिक व्यासपीठ’ या विषयावर मनोगत व्यक्त करताना लोकप्रतिनिधींनी जनतेशी असलेली नाळ जपण्याचे आणि संसदीय परंपरा दृढ करण्याचे महत्त्व स्पष्ट केले.
संसदीय कार्य मंत्री चंद्रकांत पाटील यांनी पक्षसंघटनेचे महत्त्व, पक्षशिस्त, संघटनात्मक भूमिका तसेच लोकशाहीसमोरील आव्हाने याबाबत विद्यार्थ्यांना सविस्तर मार्गदर्शन केले. संसदीय कामकाजाच्या रचनेपासून जबाबदार जनप्रतिनिधित्वापर्यंत अनेक मुद्द्यांवर त्यांनी विद्यार्थ्यांना व्यावहारिक माहिती दिली.
अभ्यासवर्गात लोकशाही दृढ करण्यासाठी युवकांची भूमिका या मुद्द्यावरही विशेष भर देण्यात आला. उपस्थित विद्यार्थ्यांनी मान्यवरांशी संवाद साधत संसदीय प्रक्रियेबाबत मार्गदर्शन घेतले.
