गुन्हे शाखेचा छापा
marathinews24.com
पुणे – घरातून बेकायदा मद्य विक्रीचा प्रकार गुन्हे शाखेेच्या युनिट तीनच्या पथकाने उघडकीस आणला. सिंहगड रस्त्यावरील हिंगणे खुर्द भागात एका घरावर छापा टाकून पोलिसांनी एक लाख २४ हजार रुपयांच्या देशी-विदेशी मद्याच्या बाटल्या जप्त केला. बेकायदा मद्य विक्री प्रकरणी पोलिसांनी दोघांना अटक केली.अंकितकुमार सूरजन बिंद (वय २०, रा. साईनगर, हिंगणे खुर्द, सिंहगड रस्ता), आदित्य राजू शिंदे (रा. शंकर मंदिराजवळ, जनता वसाहत) अशी अटक करण्यात आलेल्यांची नावे आहेत.
डाॅक्टरांकडे १० लाखांची खंडणी मागणाऱ्या तोतया पत्रकारांविरुद्ध गुन्हा – सविस्तर बातमी
गुन्हे शाखेच्या युनिट तीनचे पथक सिंहगड रस्ता भागात गस्त घालत होते. त्या वेळी हिंगणे खुर्दमधील साईनगर परिसरात राहणाऱ्या अंकितकुमार बिंद याने घरात बेकायदा मद्याचा साठा करुन ठेवला असून, तो मद्याच्या बाटल्यांची विक्री करत असल्याची माहिती पोलीस कर्मचारी पंढरीनाथ शिंदे आणि काटकर यांना मिळाली. त्यानंतर पोलिसांच्या पथकाने तेथे छापा टाकला. बिंद याच्या घरातून एक लाख २४ हजार रुपयांच्या देशी-विदेशी मद्याच्या बाटल्या जप्त केल्या. बिंद याला ताब्यात घेण्यात आले. चौकशीत त्याने मित्र शिंदे याने मद्याच्या बाटल्या विक्रीसाठी दिल्याची माहिती दिली. दोघे बेकायदा मद्य विक्रीचा भागीदारीत व्यवसाय करत होते. पोलिसांनी दोघांना ताब्यात घेतले. त्यांना सिंहगड रस्ता पोलिसांच्या ताब्यात दिले.
अतिरिक्त पोलीस आयुक्त तेजस्वी सातपुते, उपायुक्त गाैहर हसन, सहायक आयुक्त राजेंद्र मुळीक यांच्या मार्गदर्शनाखाली पोलीस निरीक्षक प्रशांत अन्नछत्रे, सहायक निरीक्षक नानासाहेब कदम, पंढरीनाथ शिंदे, काटकर, राजेंद्र नलावडे, वाघमारे, किशोर शिंदे, लिम्हण, जगदाळे, बोंडरे, पुरुषोत्तम गुन्ला, झेंडे, राठोड यांनी ही कामागिरी केली.
