महापालिका निवडणुकीच्या पार्श्वभूमीवर गुन्हे शाखेची कारवाई
marathinews24.com
पुणे – देशी बनावटीचे पिस्तूल बाळगणाऱ्या सराइताला गुन्हे शाखेने टिळक रस्ता परिसरात पकडले. त्याच्याकडून देशी बनावटीचे पिस्तूल, तसेच तीन काडतुसे जप्त करण्यात आली. पूर्वेश उर्फ सार्थक दिनेश चव्हाण (वय २२, रा. हिराबाग, शुक्रवार पेठ) असे अटक करण्यात आलेल्याचे नाव आहे.
बाणेरमधील बड्या नेत्याच्या मुलाविरुद्ध आचारसंहिता भंगाचा गुन्हा – सविस्तर बातमी
महापालिका निवडणुकीच्या पार्श्वभूमीवर गुन्हे शाखेतील युनिट तीनचे पथक दांडेकर पूल परिसरात गस्त घालत होते. त्या वेळी चव्हाण याच्याकडे देशी बनावटीचे पिस्तूल असून, तो टिळक रस्ता परिसरात थांबल्याची माहिती पाेलीस कर्मचारी पंढरीनाथ शिंदे, तुषार किंद्रे यांना मिळाली. त्यानंतर पोलिसांच्या पथकाने सापळा लावून चव्हाण याला पकडले. त्याच्याकडून देशी बनावटीचे पिस्तूल, मॅगझीन, तीन काडतुसे जप्त करण्यात आले. वरिष्ठ पोलीस निरीक्षक राम राजमाने, सहायक निरीक्षक ज्ञानेश्वर ढवळे, पंढरीनाथ शिंदे, मुकुंद तारु, अमोल काटकर, नितीन जगदाळे, मोहम्मद शेख यांनी ही कारवाई केली.
