बंडगार्डन पोलिसांची कामगिरी
marathinews24.com
पुणे – दरोड्याच्या तयारीत असलेल्या सराईत आरोपींना बंडगार्डन पोलिसांनी ताब्यात घेतले. त्यांच्याकडून दरोड्याचे साहित्य, चोरीचे मोबाइल असा ३२ हजारांचा ऐवज जप्त केला आहे. पोलिसांनी वेळीच कारवाई केल्यामुळे दरोडेखोरांना डाव उधळला आहे. जानमोहम्मद नसरुद्दीन शेख (वय ३२ रा. पीर वस्ती, वडकी ) सतीश ज्ञानेश्वर शिरोळे (वय ३५ रा. दहीटणे, ता. दौंड ) शिव प्रकाश कुमार (वय २३, रा. स्वारगेट कॅनोल रस्ता) अशी अटक केलेल्यांची नावे आहेत.
पुणे पोलिसांचे ऑपरेशन उमरटी यशस्वी – सविस्तर बातमी
बंडगार्डन पोलिसांचे तपास पथक हद्दीत पेट्रोलिंग करीत होते. त्यावेळी पोलीस अंमलदार कृष्णकांत श्रीराम, ज्ञानेश्वर गायकवाड, राजु धुलगुडे यांना मालधक्का चौकात काहीजण दरोड्याच्या तयारीत असल्याची माहिती मिळाली. त्यानुसार पोलीस उपनिरीक्षक धिरज गुप्ता यांच्यासह पथकाने धाव घेत तिघांना ताब्यात घेतले. त्यांच्याकडून दरोड्याचे साहित्य, ६ मोबाइल असा ऐवज मिळून आला. ही कामगिरी उपायुक्त मिलिंद मोहिते, एसीपी संगिता आल्फान्सो शिंदे, वरिष्ठ पोलीस निरीक्षक संतोष पांढरे, पोलीस निरिक्षक निलकंठ जगताप, उपनिरीक्षक धिरज गुप्ता, प्रदिप शितोळे, सारस साळवी, प्रकाश आव्हाड, कृष्णकांत श्रीराम, सुर्यकांत राणे, महेश जाधव, शिवाजी सरक, ज्ञानेश्वर गायकवाड यांनी केली.
