गस्तीवरील पोलीस अधिकारी आणि कर्मचाऱ्यांशी झटापट; शासकीय कामात अडथळा आणल्याप्रकरणी कारवाई
marathinews24.com
पुणे – Kharadi Crime News : दारुच्या नशेत रात्रपाळीत गस्त घालणाऱ्या पोलीस कर्मचाऱ्याला धक्काबुक्की करण्यात आल्याची घटना खराडी भागात घडली. या प्रकरणी पोलिसांनी दोघांविरुद्ध गुन्हा दाखल केला. याबाबत पोलीस शिपाई अशोक केदार यांनी खराडी पोलीस ठाण्यात फिर्याद दिली आहे. या प्रकरणी अजय जयकुमार सावंत (वय ३५), किसन सूर्यभान झेंडे (वय ३२, दोघे रा. बायफ रस्ता, वाघोली) यांच्याविरुद्ध गुन्हा दाखल करण्यात आला.
पुण्यात कसबा पेठ, बुधवार पेठ, गुलटेकडीत पादचाऱ्यांचे मोबाइल हिसकावले – सविस्तर बातमी
पोलिसांनी दिलेल्या माहितीनुसार, खराडी पोलिसांचे पथक बुधवारी मध्यरात्री एकच्या सुमारास गस्त घालत होते. टेक्सास टाॅवर सोसायटीसमोर सावंत आणि झेडे हे नशेत गोंधळ घालत होते. पोलीस अधिकारी आणि कर्मचाऱ्यांनी दोघांना गोंधळ घालू नका, असे सांगितले. (Kharadi Crime News) या कारणावरुन दोघा आरोपींनी गस्तीवरील अधिकारी पोलीस उपनिरीक्षक म्हेत्रे आणि शिपाई केदार यांना धक्काबुक्की केली. झटापटीत गणवेशाचे बटण तुटले. शासकीय कामात अडथळा आणल्या प्रकरणी दोघांविरुद्ध गुन्हा दाखल करण्यात आला असून, पोलीस उपनिरीक्षक सातपुते तपास करत आहेत.
