विश्रांतवाडी पोलीस ठाण्यात गुन्हा दाखल
marathinews24.com
पुणे – वाहनाच्या धडकेत मांजराच्या पिलाचा मृत्यू झाल्याची घटना विश्रांतवाडी भागातील एका सोसायटीच्या आवारात घडली. याप्रकरणी वाहन चालका विरुद्ध पोलिसांनी गुन्हा दाखल केला. याबाबत एका महिलेने विश्रांतवाडी पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, वाहन चालका विरुद्ध गुन्हा दाखल करण्यात आला आहे.
हळदीच्या पाकिटात गांजा लपवून विक्री – सविस्तर बातमी
पोलिसांनी दिलेल्या माहितीनुसार, तक्रारदार ४२ वर्षीय महिला विश्रांतवाडीतील टिंगरेनगर भागात असलेल्या तिरुपती सोसायटीत राहायला आहेत. १७ मार्च रोजी सकाळी साडेअकराच्या सुमारास सोसायटीच्या आवारात तक्रारदार महिलेने मांजराचे पिलू पाळले आहे. सोसायटीच्या आवारात वाहनाने पिलाला धडक दिली. मांजराच्या पिलाचा मृत्यू झाला. त्यानंतर महिलेनेे पोलिसांकडे तक्रार दिली. पोलीस उपनिरीक्षक माने तपास करत आहेत.
