सहकानगर पोलीस ठाण्यात गुन्हा दाखल
marathinews24.com
पुणे – घराची खिडकी उघडी असल्याची संधी साधून चोरट्यांनी लॅपटॉपसह मोबाइल चोरून नेल्याची घटना १४ एप्रिलला धनकवडीतील चव्हाणनगरमध्ये घडली आहे. याप्रकरणी तरूणाने सहकानगर पोलीस ठाण्यात फिर्याद दाखल केली आहे. त्यानुसार अज्ञात चोरट्याविरूद्ध गुन्हा दाखल करण्यात आला आहे.
छळामुळे महिलेची पेट्रोल ओतून आत्महत्या – सविस्तर बातमी
पोलिसांनी दिलेल्या माहितीनुसार, तक्रारदार हे धनकवडीतील चव्हाणनगरात राहायला आहेत. १४ एप्रिलला त्यांच्या घराची खिडकी उघडी होती. नेमकी तीच संधी साधून चोरट्यांनी लॅपटॉप, मोबाइल असे ७४ हजारांचे साहित्य चोरून नेले. याप्रकरणी पोलीस अमलदार पवार तपास करीत आहेत.
हडपसरमध्ये हॉस्टेलमधून प्रत्येकी दोन लॅपटॉप, मोबाइल चोरीला
मुलांच्या वसतीगृहातून चोरट्यांनी दोन लॅपटॉप, दोन मोबाइल असे ७० हजारांचे साहित्य चोरून नेले आहे. ही घटना १४ एप्रिलला सकाळी आठच्या सुमारास हडपसर परिसरातील हांडेवाडी रोडवर असलेल्या मातोश्री बॉईंज हॉस्टेलमध्ये घडली आहे. याप्रकरणी तरूणाने काळेपडळ पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल केला आहे. पोलीस उपनिरीक्षक जयश्री पाटोळे तपास करीत आहेत.
