विमानतळ पोलीस ठाण्यात गुन्हा दाखल
marathinews24.com
पुणे – मोटारींचा काचा फोडून चोरट्यांनी ९० हजारांच्या रोकडसह लॅपटॉप मिळून २ लाख ८ हजारांचा ऐवज चोरून नेला आहे. ही घटना १६ सप्टेंबरला संध्याकाळी सव्वा सहाच्या सुमारास विमाननगरमधील न्याती इंप्रेस इमारतीनजीक घडल्या आहेत. याप्रकरणी विमाननगरमध्ये राहणार्या तरूणाने विमानतळ पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल केला आहे.
फसवणूक प्रकरणी बारामतीतील दाम्पत्यावर गुन्हा दाखल – सविस्तर बातमी
पोलिसांनी दिलेल्या माहितीनुसार, तक्रारदार तरूण विमाननगरमध्ये राहायला असून, १६ सप्टेंबरला संध्याकाळी सव्वा सहाच्या सुमारास त्यांनी न्याती इंप्रेस इमारतीजवळ मोटार उभी केली होती. त्यावेळी चोरट्यांनी त्यांच्या मोटारीची काच फोडून ९० हजारांची रोकड चोरून नेली. दुसर्या मोटारीची काच फोडून चोरट्यांनी लॅपटॉप चोरून नेला आहे याप्रकरणी सहायक पोलीस निरीक्षक समीर करपे तपास करीत आहेत.
बाणेरमध्ये घरात शिरून ऐवज चोरीला
घरात शिरून चोरट्यांनी तीन हजारांची रोकड, मोबाइल, लॅपटॉप असा ७५ हजारांचा ऐवज चोरून नेला आहे. ही घटना १४ सप्टेंबरला पहाटे चार ते सहा वाजण्याच्या सुमारास बाणेरमधील विठ्ठल मंदीराजवळ घडली आहे. याप्रकरणी २८ वर्षीय तरूणाने बाणेर पोलीस ठाण्यात फिर्याद दाखल केली आहे.
पोलिसांनी दिलेल्या माहितीनुसार, तक्रारदार आणि त्याचा मित्र १४ सप्टेंबरला पहाटे चार ते सहा वाजण्याच्या सुमारास घरात झोपले होते. त्यावेळी चोरट्यांनी त्यांच्या घरात शिरून रोकड, मोबाइल, लॅपटॉप असा ७५ हजारांचा ऐवज चोरून नेला. झोपेतून उठल्यानंतर तक्रारदाराला घरात चोरी झाल्याचे लक्षात आले. त्यानंतर त्यांनी पोलीस ठाण्यात धाव घेत तक्रार दाखल केली. याप्रकरणी पोलीस अमलदार गायकवाड तपास करीत आहेत.
