अफवावर विश्वास ठेवू नका ⁃ जिल्हाधिकारी जितेंद्र डूडी
marathinews24.com
पुणे – जिल्ह्यात ३ ठिकाणी मॉक ड्रिल केले जाणार आहे. पुणे शहरात विधान भवन, मुळशी पंचायत समिती आणि तळेगाव येथील नगरपरिषद येथे दुपारी चार वाजता संरक्षण आणि पोलीस विभागासह इतर विभागातील १० ते १५ कर्मचारी आणि १०० ते १५० महाविद्यालयिन विद्यार्थी सहभाग होणार असल्याची माहिती जिल्हाधिकारी जितेंद्र डुडी यांनी दिली.
गांजा विक्रीसाठी बाळगणाऱ्या सराईताला अटक, वानवडी पोलिसांची कामगिरी – सविस्तर बातमी
केंद्र सरकारने ७ मे रोजी देशाच्या सुरक्षेच्या दृष्टीने मॉकड्रिल करण्याचे सर्व राज्यांना आदेश दिलेले आहेत. त्यानुषंगाने आयोजित पत्रकार परिषदेत जिल्हाधिकारी जितेंद्र डुडी बोलत होते. युद्धजन्य परिस्थिती उद्भवल्यास कमीत कमी वेळेत जास्तीत जास्त नागरिकांपर्यंत मदत व मार्गदर्शन पोहोचविण्यासाठी खबरदारी म्हणून मॉक ड्रिल आयोजित केला आहे. एखाद्या बिल्डिंगमध्ये आग लागली तर कशा पद्धतीने कार्यवाही करायची याचे प्रात्यक्षिक दिले जाणार आहे. अग्निशमन दल आणि एडीआरएफचा सहभाग असणार आहे. शहरात ७५ ठिकाणी सायरनची व्यवस्था असणार आहे. बुधवारी हे वाजणार नाही. शासनाच्या निर्देशाप्रमाणे पहिला मॉक ड्रिल घेणार आहे. वॉर रूम सुद्धा तयार करण्यात येणार आहे. त्यात सर्व विभागांचा समन्वय असणार आहे. मुंबईत एका ठिकाणी ब्लॅक आउट असणार आहे. देशभरात २४४ जिल्ह्यात एकाच वेळी ही मॉक ड्रिल होणार. सायरन वाजल्यानंतर काय करायचे हे सगळे सांगितले जाणार आहे.
