कात्रजमधील आंबेगाव भागातील घटना
marathinews24.com
पुणे – अनैतिक संबंधाच्या संशयावरुन तरुणावर तीक्ष्ण शस्त्राने वार करुन खून करण्यात आल्याची घटना कात्रजमधील आंबेगाव भागात रविवारी रात्री घडली.
दीपक क्षीरसागर (वय ३८, रा. समर्थ हाईट्स, इंद्रायणीनगर, टेल्को काॅलनी, आंबेगाव) असे खून झालेल्या तरुणाचे नाव आहे. या प्रकरणी सिद्धार्थ हातुरे आमि अनिकेत हातुरे यांच्याविरुद्ध गुन्हा दाखल करण्यात आला.
कोथरूडमध्ये तरुणाला मारहाण करुन लुटले – सविस्तर बातमी
पोलिसांनी दिलेल्या माहितीनुसार, दीपक क्षीरसागर हा पुणे महानगरपालिकेच्या पाणीपुरवठा विभागात कामाला होता. तो विवाहित होता. रविवारी रात्री जेवण केल्यानंतर तो इंद्रायणीनगर भागात घरासमोर थांबला होता. त्या वेळी दोघांनी त्याच्यावर तीक्ष्ण शस्त्राने वार केले. या घटनेची माहिती मिळताच आंबेगाव पोलीस ठाण्याचे वरिष्ठ पोलीस निरीक्षक शरद झिने यांनी घटनास्थळी भेट दिली. पोलिसांनी खून प्रकरणात चौकशी केली. तेव्हा दीपक याचा अनैतिक संबंधातून खून झाल्याची माहिती प्राथमिक तपासात मिळाली. पसार झालेल्या हल्लेखोरांचा शोध घेण्यात येत आहे. मुंढवा परिसरात ब्युटी पार्लरचालक तरुणीचा खून करण्यात आल्याची घटना नुकतीच घडली. तरुणीचा मोटारीत गळा दाबून तिचा खून करण्यात आला. तिचा मृतदेह मुंढव्यातील केशवनगर भागात कचरा डेपोजवळ टाकून आरोपी पसार झाला. गुन्हे शाखेने या प्रकरणाचा तपास करुन खून प्रकरणाचा छडा लावला. या प्रकरणी गोरखनाथ देवराव शिंदे (वय ४४, सध्या रा. चंदननगर, मूळ रा. बीड) याला अटक करण्यात आली. अनैतिक संबंध, तसेच आर्थिक वादातून खून केल्याची माहिती तपासात मिळाली. अनैतिक संबंधातून शहरात खुनाच्या दोन घटना घडल्या.
