अज्ञात आरोपींविरुद्ध काळेपडळ पोलीस ठाण्यात गुन्हा
marathinews24.com
पुणे – ऑनलाइन अर्धवेळ नोकरी आणि जादा नफ्याचे आमिष दाखवून ‘प्रिपेड टास्क’च्या नावाखाली एका नागरिकाची साडेतीन लाखांहून अधिक रुपयांची फसवणूक करण्यात आल्याचा प्रकार समोर आला आहे. याप्रकरणी टेलिग्राम लिंक आणि युपीआय आयडी धारक अज्ञात आरोपींविरुद्ध काळेपडळ पोलीस ठाण्यात गुन्हा नोंदवण्यात आला आहे. यासंदर्भात संतोष आनंदराव पाटील (वय ४२ वर्षे, रा. उंड्री, पुणे) यांनी फिर्याद दिली आहे. २५ जुलै २०२५ ते २ ऑगस्ट २०२५ कालावधीत ही ऑनलाइन फसवणूक घडली.
पुण्यात अंमली पदार्थ विरोधी मोहिमेत तस्करांना दणका – सविस्तर बातमी
पोलिसांनी दिलेल्या माहितीनुसार, आरोपींनी फिर्यादीला टेलिग्रामद्वारे संपर्क साधला आणि काही ‘प्रिपेड टास्क’ पूर्ण करण्यास सांगितले. सुरुवातीला काही परतावा देऊन फिर्यादीचा विश्वास संपादन केला. त्यानंतर फिर्यादीला अधिकाधिक गुंतवणूक करण्यास भाग पाडले. फिर्यादीने वेळोवेळी एकूण ३ लाख ६९ हजार रुपये आरोपींनी सांगितलेल्या खात्यांवर भरले. मात्र, जेव्हा त्यांनी नफ्याची मागणी केली, तेव्हा आरोपींनी प्रतिसाद देणे बंद केले. आपली फसवणूक झाल्याचे लक्षात येताच पाटील यांनी पोलिसांत धाव घेतली.
