येरवडा पोलिस ठाण्यात गुन्हा दाखल
marathinews24.com
पुणे – एमबीबीएस कॉलेजमध्ये ॲडमिशन करून देतो म्हणत दोघांनी तरुणीची ८ लाख १२ हजार रुपयांची फसवणूक केली. याप्रकरणी येरवडा पोलिस ठाण्यात गुन्हा दाखल करण्यात आला आहे. आदित्य कुमार उर्फ अरविंद आरोगोंडे (रा. तेलंगणा, हैद्राबाद) आणि कुसुम व्यंकट राव उर्फ के. व्ही. राव (रा. हैद्राबाद) अशी गुन्हा दाखल केलेल्या आरोपींची नावे आहेत.
लक्ष्मीआईच्या यात्रेत महिलांचे सोन्याचे दागिने चोरले – सविस्तर बातमी
पोलिसांनी दिलेल्या माहितीनुसार, मंतरवाडी, हडपसर येथील २० वर्षीय तरुणीला दोघांनी एमबीबीएस कॉलेजमध्ये ॲडमिशन करून देतो असे सांगितले. तळेगाव दाभाडे येथील मेडिकल कॉलेजचे खोटे व बनावट प्रवेशपत्र देऊन ८ लाख १२ हजार रुपये उकळले. ही घटना ५ नोव्हेंबर २०२५ ते १८ मार्च २०२६ या कालावधीत घडली. फिर्यादीत तरुणीने या दोन्ही आरोपींनी अशाच पद्धतीने अनेक पालक, विद्यार्थ्यांची ॲडमिशनच्या नावाखाली फसवणूक केल्याचे देखील म्हटले आहे. याप्रकरणाचा तपास पोलिस उपनिरीक्षक बेरड करत आहेत.
