आंबेगाव बुद्रूकमधील घटना
marathinews24.com
पुणे – लक्ष्मीआईच्या यात्रेनिमित्त दर्शनासाठी पायी जात असलेल्या महिलांचा पाठलाग करून चोरट्यांनी त्यांच्या गळ्यातील ८४ हजारांचे सोन्याचे दागिने चोरून नेले. ही घटना १८ मार्चला संध्याकाळी सहाच्या सुमारास आंबेगाव बुद्रूकमधील लक्ष्मीआई मंदीरासमोरील परिसरात घडली आहे. याप्रकरणी ४२ वर्षीय महिलेने आंबेगाव पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
वाघोलीत तरूणावर खुनी हल्ला, आरोपी पसार – सविस्तर बातमी
पोलिसांनी दिलेल्या माहितीनुसार, तक्रारदार महिला आंबेगाव बुद्रूकमध्ये राहायला असून, १८ मार्चला संध्याकाळी सहाच्या सुमारास यात्रेनिमित्त लक्ष्मीआई मंदीरात दर्शनासाठी जात होत्या. त्यावेळी गर्दीचा फायदा घेउन चोरट्यांनी महिलांच्या गळ्यातील ८४ हजार रूपये िंकमतीचे सोन्याचे दागिने चोरून नेले. याप्रकरणाची माहिती झाल्यानंतर महिलांनी पोलीस ठाण्यात धाव घेत तक्रार दाखल केली आहे. याप्रकरणी पोलीस अमलदार हरीष गायकवाड तपास करीत आहेत.
