वाघोली पोलीस ठाण्यात गुन्हा दाखल
marathinews24.com
पुणे – मित्राची वाट पाहत थांबलेल्या १८ वर्षीय तरूणाला टोळक्याने लोखंडी हत्यारासह दांडक्याने मारहाण करीत खुनी हल्ला केला आहे. ही घटना १८ मार्चला दुपारी तीनच्या सुमारास केसनंदमधील लाडोबा वस्तीवर घडली आहे. याप्रकरणी वाघोलीत राहणार्या १८ वर्षीय तरूणाने वाघोली पोलीस ठाण्यात फिर्याद दाखल केली आहे. त्यानुसार पोलिसांनी आरोपींविरूद्ध गुन्हा दाखल केला आहे.
ऑनलाइन ट्रेडिंगच्या आमिषाने ६२ लाखांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार तरूण वाघोलीत राहायला असून, १८ मार्चला दुपारी तीनच्या सुमारास तो लाडोबा वस्तीजवळ मित्राची वाट पाहत थांबला होता. त्यावेळी तिथे आलेल्या टोळक्याने काहीही कारण नसताना तरूणाला मारहाण करण्यास सुरूवात केली. त्याला लोखंडी हत्याराने मारहाण करीत दांडक्याने बेदम मारहाण केली. तरूणाला गंभीर जखमी केल्यानंतर टोळके पसार झाले. दरम्यान घटनेची माहिती झाल्यानंतर वाघोली पोलिसांनी धाव घेतली. आरोपींच्या शोधार्थ पथक रवाना करण्यात आले आहे. याप्रकरणी सहायक पोलीस निरीक्षक विजय चंदन तपास करीत आहेत.
