वडगाव शेरीतील घटना
marathinews24.com
पुणे – फ्लॅटचा दरवाजा उघडा असल्याची संधी साधून चोरट्यांनी १ लाख ६० हजारांचा ऐवज चोरून नेला आहे. ही घटना २२ जानेवारीला सकाळी साडेसात ते साडेआठ वाजण्याच्या सुमारास वडगाव शेरीतील सोमनाथनगरात महेश पार्क विंग एकमध्ये घडली आहे. याप्रकरणी तरूणाने चंदननगर पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
रिक्षा चालकाने प्रवासी तरुणी धमकावून लुटले – सविस्तर बातमी
पोलिसांनी दिलेल्या माहितीनुसार, तक्रारदार हे वडगाव शेरीतील सोमनाथनगरात राहायला आहेत.२२ जानेवारीला सकाळी साडेसातच्या सुमारास त्यांच्या फ्लॅटचा दरवाजा उघडा होता. नेमकी तीच संधी साधून चोरट्यांनी फ्लॅटमध्ये शिरून १ लाख ६० हजारांचे सोन्याचे दागिने, मोबाइल असा ऐवज चोरून नेला आहे. याप्रकरणाची माहिती झाल्यानंतर तक्रारदाराने पोलीस ठाण्यात धाव घेतली. याप्रकरणी पोलीस अमलदार गिरमे तपास करीत आहेत.
