सीसीटीव्ही फुटेजही व्हायरल
marathinews24.com
पुणे – Pune BJP Worker Assault : भाजप कार्यकर्ता पृथ्वीराज पंडित याने तरुणाला बेदम मारहाण केल्याप्रकरणी फरासखाना पोलिस ठाण्यात गुन्हा दाखल करण्यात आला आहे. मोबाइलमधील डेटा फॉरमॅट झाल्याच्या कारणावरून ही मारहाण करण्यात आली आहे. या घटनेचे सीसीटीव्ही फुटेजही व्हायरल आले आहे. तक्रारदार क्षितिज सागर पवार असे मारहाण झालेल्या तरुणाचे नाव असून, तो व्हीएफएक्स आणि ॲनिमेशनचे काम करतो. पृथ्वीराज पंडित हे त्याला त्याच्या कामाचे व्हिडिओ एडिटिंग करण्यास देत होता.
दिवेआगर दुर्घटनेत आळंदीतील ८ विद्यार्थ्यांचा मृत्यू – सविस्तर बातमी
तक्रारीनुसार, पंडितने २८ सप्टेंबरला क्षितीजला कसबा गणपती मंदिराजवळ व्हिडिओ एडिट करण्यासाठी बोलावून स्वतःचा फोन दिला. त्यावेळी नजर चुकीने फोनमधील डेटा फॉरमॅट झाला. याच कारणावरून संतापलेल्या पृथ्वीराज पंडितने २९ सप्टेंबरला दुपारी साडेबाराच्या सुमारास क्षितिजच्या घरी जाऊन त्याला जाब विचारला. Pune BJP Worker Assault शिवीगाळ घरात असलेल्या तांब्याच्या बाटलीने त्याच्या डोक्यात तीन ते चार वेळा मारहाण केली. त्यानंतर डेटा रिकव्हर करण्यासाठी नारायण पेठेतील पत्र्या मारुती चौकातील दुकानात नेले असता, तेथे काम न झाल्याने पंडित याने पुन्हा चिडून लाकडी बांबूने क्षितीजला जबर मारहाण केली. जखमी झालेल्या क्षितीजवर ससून रुग्णालयात उपचार करण्यात आले आहेत.
याप्रकरणी फरासखाना पोलिसांनी पृथ्वीराज गजानन पंडित याच्याविरोधात गुन्हा दाखल केला असून, पुढील तपास पोलिस उपनिरीक्षक संतोष गोरे करत आहेत. दरम्यान, विशाल धनवडे यांच्यासोबत भाजपमध्ये प्रवेश केलेल्या पृथ्वीराज पंडित याच्यावर यापूर्वीही विनापरवानगी दहीहंडी साजरी केल्याप्रकरणी गुन्हा दाखल झाला होता. आता पुन्हा एका तरुणावर थेट प्राणघातक हल्ला आणि दादागिरी केल्याचा प्रकार उघडकीस आल्याने राजकीय वर्तुळात त्याच्या वर्तणुकीसंदर्भात जोरदार चर्चा रंगली आहे.
