युनिट चारची कारवाई
marathinews24.com
पुणे – Pune Crime News : शहरातील मध्यवर्ती डेक्कन परिसरात नियमांचे उल्लंघन करत रात्रभर कॅफे उघडे ठेवणाऱ्या फ्लाईग जिप्सी कॅफेत तरुणावर खुनी हल्ला करणाऱ्या आरोपीला अटक केली आहे. गुन्हे शाखेच्या युनिट चारने आरोपीला कोथरुड परिसरातुन ताब्यात घेत अटक केली. प्रेम ऊर्फ पप्पू सतीश वाल्हेकर (वय २१, रा. मोरे श्रमिक वसाहत, कोथरूड) असे अटक केलेल्या आरोपीचे नाव आहे.
शेअर ट्रेडींगमध्ये गुंतवणूकीचे आमिष तरुणाच्या अंगलट – सविस्तर बातमी
जुन्या वादातून टोळक्याने तरुणावर कोयत्याने वार करून गंभीर जखमी केल्याची घटना १५ ऑगस्टला फ्लाईग जिप्सी कॅफेत घडली होती. याप्रकरणी डेक्कन पोलिसांनी आरोपींसह कॅफे मालकाला अटक केली होती. मात्र, दोन महिन्यांपासून यातील आरोपी फरार झाला होता. युनिट चारचे पथक फरार आरोपींचा शोध घेत होते. उपनिरीक्षक वैभव मगदूम यांच्या पथकातील अंमलदार विशाल इथापे यांना आरोपी औंध रोडला थांबल्याची माहिती मिळाली. त्यानुसार वरिष्ठ पोलीस निरीक्षक कांचन जाधव यांच्या मार्गदर्शनाखाली पथकाने सापळा रचून आरोपीला ताब्यात घेतले.
आरोपी प्रेम वाल्हेकर हा डेक्कन पोलीस ठाण्यात दाखल असलेल्या खुनाच्या प्रयत्नाच्या गुन्ह्यात फरार होता. चौकशीत त्याने जुन्या भांडणाच्या कारणावरून १५ ऑगस्टला पहाटे साडेतीनच्या सुमारास कॅफे फ्लाइंग जिप्सीत मित्रांसह एका तरुणावर कोयत्याने वार केले होते. (Pune Crime News) याप्रकरणी डेक्कन पोलीस ठाण्यात गुन्हा दाखल आहे. आरोपीचा गुन्ह्यात सहभाग निष्पन्न झाले. ही कामगिरी पोलीस उपायुक्त गौहर हसन, सहायक पोलीस आयुक्त राजेंद्र मुळीक यांच्या मार्गदर्शनाखाली वरिष्ठ पोलीस निरीक्षक कांचन जाधव उपनिरीक्षक वैभव मगदूम, विशाल इथापे, जहांगीर पठाण, सुभाष आव्हाड, नितीन साबळे, अनिकेत भोसले, शरद झांजरे, रोहिणी पांढरकर यांनी केली.
