चतु:श्रृंगी पोलिसांची कामगिरी
marathinews24.com
पुणे – Pune Mangalsutra Theft Case : पायी जाणार्‍या महिलेच्या गळ्यातील सोन्याचे मंगळसूत्र जबरदस्तीने हिसकावून पळ काढणार्‍या सराईत चोरट्याला चतु:शृंगी पोलिसांनी अटक केली. राजाभाऊ ऊर्फ राजू खेमू राठोड (वय ४४, रा. आर्वी गाव, ता. औसा, जि. लातूर) असे अटक केलेल्याचे नाव आहे. त्याने चोरीसाठी वापरलेली दुचाकी, मंगळसूत्र असा ३ लाख ९३ हजार रुपयांचा मुद्देमाल जप्त केला आहे.
पायल झांबरे आत्महत्या प्रकरणात सासू-सासरा अटकेत – सविस्तर बातमी
तक्रारदार महिला २० ऑक्टोबरला सकाळी नऊच्या सुमारास पायी जात होती. त्यावेळी दुचाकीस्वार चोरट्याने त्यांच्या गळ्यातील सोन्याचे मंगळसूत्र जबरदस्तीने हिसकावून नेले होते. याप्रकरणी चतु:शृंगी पोलिस ठाण्यात गुन्हा दाखल झाला होता. Pune Mangalsutra Theft Case चतुःशृंगी पोलिसांनी सलग १० दिवस औंध, पाषाण, बाणेर, बावधन, कोथरूड, सूस, लवळे, धायरी, नानापेठ आणि हडपसर परिसरातील २५० हून अधिक सीसीटीव्ही कॅमेर्‍यांची तपासणी केली. त्यातून आरोपीच्या हालचालींचा माग काढत हडपसर परिसरातून राजाभाऊ राठोड याला ताब्यात घेतले.
आरोपीकडून गुन्ह्यात वापरलेली मोटार सायकल आणि चोरीस गेलेले मंगळसूत्र असा ३ लाख ९३ हजार रुपयांचा मुद्देमाल हस्तगत केला. आरोपीविरोधात पुणे शहर, पिंपरी-चिंचवड, लातूर, नाशिक शहर आणि सातारा येथे जबरी चोरीचे ७० हून अधिक गुन्हे दाखल असल्याची माहिती पोलिसांनी दिली. गुन्ह्याचा पुढील तपास सहायक पोलिस निरीक्षक अनिकेत पोटे करत आहेत.
