येरवडा भागातील घटना
marathinews24.com
पुणे – भरधाव मोटारीच्या धडकेत दुचाकीस्वार ज्येष्ठ नागरिकाचा मृत्यू झाल्याची घटना येरवडा भागात घडली. याप्रकरणी मोटार चालकाविरुद्ध गुन्हा दाखल करण्यात आला आहे. संजय सपकाळ (वय २१, रा. प्रतीकनगर, येरवडा) असे मृत्युमुखी पडलेल्या दुचाकीस्वाराचे नाव आहे. याबाबत त्यांचा मुलगा आदित्य (वय २९) यांनी येरवडा पोलीस ठाण्यात फिर्याद दिली आहे.
कात्रज भागातील लाॅजमध्ये देहविक्रय – सविस्तर बातमी
पोलिसांनी दिलेल्या माहितीनुसार, दुचाकीस्वार सपकाळ हे ३ मे रोजी सकाळी पावणेअकराच्या सुमारास गोल्फ क्लब रस्त्याने निघाले होते. येरवड्यातील टपाल।कार्यालयाजवळ भरधाव मोटारीने त्यांना धडक दिली. अपघातात ते गंभीर जखमी झाले. अपघातानंतर दुचाकीस्वार सपकाळ यांना मदत न करता मोटार चालक पसार झाला. गंभीर जखमी झालेल्या सपकाळ यांना नागरिकांनी रुग्णालयात दाखल केले. उपचारादरम्यान त्यांचा मृत्यू झाला. पोलीस उपनिरीक्षक कुंदन सत्रे तपास करत आहेत.
