सायबर पोलीस ठाण्यात गुन्हा दाखल
marathinews24.com
पुणे – शेअर ट्रेडींगमध्ये गुंतवणूक केल्यास चांगला परतावा मिळवून देतो, अशी बतावणी करीत सायबर चोरट्यांनी जेष्ठ नागरिकाला ५ लाख ६३ हजारांचा ऑनलाईन गंडा घातला आहे. ही घटना १ जून २०२२ ते ऑगस्ट २०२५ मध्ये कर्वेनगरमध्ये घडली आहे. याप्रकरणी ६८ वर्षीय नागरिकाने सायबर पोलीस ठाण्यात फिर्याद दाखल केली आहे. त्यानुसार मोबाइलधारक, बँक खातेधारकाविरूद्ध गुन्हा दाखल करण्यात आला आहे.
बसच्या धडकेत दुचाकीस्वार तरुण ठार – सविस्तर बातमी
पोलिसांनी दिलेल्या माहितीनुसार, तक्रारदार हे कर्वेनगरमध्ये राहायला असून, १ जून २०२२ मध्ये सायबर चोरट्यांनी त्यांना संपर्क केला होता. शेअर ट्रेडींगमध्ये गुंतवणूक केल्यास चांगला परतावा मिळवून देतो, अशी बतावणी केली. त्यांचा विश्वास संपादित केल्यानंतर सायबर चोरट्यांनी त्यांना रक्कम ऑनलाईनरित्या वर्ग करण्यास भाग पाडले. १८ मार्च २०२५ पर्यंत सायबर चोरट्यांनी त्यांच्याकडून ५ लाख ६३ हजार रूपये वर्ग करून घेत फसवणूक केली आहे. याप्रकरणी पोलीस निरीक्षक संगीता देवकाते तपास करीत आहेत.
