उपचारासाठी रूबी हॉल क्लिनिकमध्ये दाखल होणार
marathinews24.com
पुणे – राष्ट्रवादी काँग्रेसचे ज्येष्ठ नेते शरद पवार यांची तब्येत अचानक बिघडली आहे. प्रकृती अस्वस्थ वाटत असल्याने शरद पवार हे उपचारासाठी पुण्यातील रूबी हॉल क्लिनिकमध्ये दाखल होणार आहेत. ३० मिनिटांत पवार रूबी हॉल क्लिनिकमध्ये पोहोचणार असून तिथे त्यांच्यावर तज्ञ डॉक्टरांकडून तपासणी व उपचार करण्यात येणार आहेत. दरम्यान, दिवंगत उपमुख्यमंत्री अजित पवार यांच्या तेराव्याच्या कार्यक्रमाला सर्व पवार कुटुंबीय एकत्र होते. विधी पूर्ण झाल्यानंतर पवार यांना त्रास सुरू झाला असल्याचे सूत्रांनी सांगितले.
भारतीय संस्कृती जगभर प्रसिद्ध करण्यासाठी’ फॅशन वर्ल्ड टुर”चा पुण्यातून शुभारंभ – सविस्तर बातमी
पुण्यातील रूबी हॉल क्लिनिकचे ज्येष्ठ डॉक्टर डॉ. सायमन ग्रँट हे शरद पवार यांच्यावर उपचार करणार आहेत. सध्या त्यांची प्रकृती स्थिर असल्याची प्राथमिक माहिती आहे. खासदार शरद पवार यांच्या प्रकृतीबाबत अधिकृत वैद्यकीय माहितीची प्रतीक्षा आहे. शरद पवार यांना अस्वस्थ वाटू लागल्याने कार्डीयाक ॲम्ब्युलन्ससह त्यांना बारामतीहून पुण्याकडे खाजगी रूग्णालयात उपचारासाठी आणण्यात येत आहे. त्यांना कफ आणि खोकला सुरू झाला आहे. त्यामुळे श्वास घेण्याचा त्रास होत आहे.
