कोंढव्यात शिक्षिकेचे मंगळसूत्र हिसकावले

चोरट्यांविरुद्ध कोंढवा पोलिसांनी केला गुन्हा दाखल

marathinews24.com

पुणे – दुचाकीस्वार शिक्षिकेचे मंगळसूत्र चोरट्यांनी हिसकावून नेल्याची घटना कोंढवा परिसरात घडली. याप्रकरणी चोरट्यांविरुद्ध कोंढवा पोलिसांनी गुन्हा दाखल केला. शिक्षिकेने फिर्याद दिली आहे. तक्रारदार शिक्षिका कोंढवा बुद्रुक भागात राहायला आहेत.

तोतया पोलिसांकडून ज्येष्ठ नागरिकाची फसवणूक – सविस्तर बातमी

पोलिसांनी दिलेल्या माहितीनुसार, तक्रादार शिक्षिका गुरुवारी (११ डिसेंबर) रात्री आठच्या सुमारास शिकवणी वर्गातून घरी निघाल्या होत्या. काकडे वस्ती परिसरात दुचाकीस्वार शिक्षिकेच्या गळ्यातील ९० हजारांचे मंगळसूत्र चोरट्यांनी हिसकावून नेले. शिक्षिकेेने आरडाओरडा केला. चोरटे भरधाव वेगात दुचाकीवरुन पसार झाले. या घटनेची माहिती मिळताच पोलिसांनी घटनास्थळी भेट दिली. पोलिसांनी परिसरातील सीसीटीव्ही चित्रीकरण ताब्यात घेतले असून, पसार झालेल्या चोरट्यंचा माग काढण्यात येत आहे. गेल्या काही महिन्यांपासून शहरात पादचारी महिलांकडील दागिने, तसेच नागरिकांना धमकावून मोबाइल हिसकावण्याच्या घटनांमध्ये वाढ झाली आहे.