घायवळ टोळीचा आणखी कारनामा उघडकीस; गुन्हा दाखल
marathinews24.com
पुणे – शहरातील कुख्यात गुंड नीलेश घायवळ टोळीचा आणखी एक कारनामा उघडकीस झाला आहे. त्याने बिल्डरच्या डोक्याला पिस्तूल लाउन धमकावून थेट १० फ्लॅट बळकावल्याचे उघडकीस आले आहे. याप्रकरणी संबंधितांविरूद्ध कोथरूड पोलीस ठाण्यात गुन्हा दाखल करण्यात आला आहे. बळकावलेल्या फ्लॅटची किंंमत कोट्यावधी रूपये असल्याची माहिती सुत्रांनी दिली आहे. आतापर्यंत मागील काही दिवसांत त्याच्याविरुद्ध दाखल झालेला पाचवा गुन्हा आहे.
संप कालावधीत महावितरणकडून राज्यातील वीजपुरवठा सुरळीत – सविस्तर बातमी
निलेश गायवळ, सचिन गायवळ, बापु कदम, चिक्या ऊर्फ ओंकार फाटक, मनिष माथवड, सागर चौधरी, माऊली तोंडे, निलेश शर्मा यांच्यासह पाच ते सात जणांविरूद्ध गुन्हा दाखल करण्यात आला आहे. कोथरूडमधील बांधकाम व्यावसायिकाने फिर्याद दाखल केली आहे. ही घटना जुन २०१८ ते मे २०२५ कालावधीत घडली आहे.
पोलिसांनी दिलेल्या माहितीनुसार, तक्रारदार हे बांधकाम व्यावसायिक असून, कोथरूडमध्ये त्यांची साईट सुरू होती. बांधकाम पुर्ण झाल्यानंतर कुख्यात नीलेश घायवळसह त्याचा भाउ सचिन घायवळ आणि टोळीने बिल्डरला गाठले. त्यांच्या इमारतीमध्ये बेकायदेशीर प्रवेश करुन गैरकायदयाची मंडळी जमवली. त्यानंतर गुंड निलेश गायवळ याने बिल्डरच्या डोक्याला पिस्तुल लाउन इमारतीमधील १० फ्लॅटवर बेकायदेशीरपणे खंडणीच्या स्वरुपात ताबा घेतला. त्यानंतर टोळीने संबंधित फ्लॅटमध्ये भाडेकरू ठेउन त्यांच्याकडून आरोपी बापु कदम हा बेकायदेशीरपणे भाडे वसूल करीत होता. भाडे अनाधिकाराने घेवुन निलेश गायवळ याला दिल्याचे स्पष्ट झाले आहे.
गुंड सचिन घायवळ याला शस्त्र परवाना दिला नाही- पोलीस आयुक्त
आरोपी सचिन घायवळ याच्याविरूद्ध विविध स्वरूपाचे गंभीर गुन्हे दाखल आहेत. त्याने पुणे पोलिसांकडे शस्त्र परवाना मिळविण्यासाठी अर्ज केला होता. मात्र, पोलिसांनी त्याचा अर्ज फेटाळून लावला होता. त्यानंतर सचिनने गृहराज्यमंत्री योगेश कदम यांच्या कार्यालयाकडे अपील केले होते. त्यानुसार अपीलावर सुनावणी घेताना त्याला शस्त्र परवाना देण्याचे आदेश कदम यांनी २० जून २०२५ रोजी पुणे पोलिसांना दिले होते. मात्र, याबाबत आतापर्यंत आम्ही सचिन घायवळ याला शस्त्र परवाना दिला नाही. त्याच्याविरूद्ध अनेक गुन्हे दाखल असल्यामुळे अद्यापर्यंत त्याला शस्त्र परवाना दिला नसल्याची माहिती पोलीस आयुक्त अमितेश कुमार यांनी दिली आहे.
