काळेपडळमधील घटना
marathinews24.com
पुणे – रिक्षातून येउन दुचाकीस्वारा तरूणासह दोघांना मारहाण करीत टोळक्याने त्यांच्याकडील ऐवज चोरून नेल्याची घटना १ जूनला संध्याकाळी सातच्या सुमारास हडपसरजवळील काळेपडळ रेल्वे बोगद्यावजळ घडली आहे. याप्रकरणी दिशान रहिम शेख (वय २२ रा. काळेपडळ), चैतन्य तुलशीराम कराड (वय २१, रा. काळेपडळ) यांच्याविरूद्ध गुन्हा दाखल करण्यात आला आहे. संतोष दीनेश वायदंडे (वय ४२ रा. काळेपडळ, हडपसर) यांनी काळेपडळ पोलीस ठाण्यात फिर्याद दाखल केली आहे.
उरळी देवाची परिसरात महिलेचे सोन्याचे गंठण हिसकावले – सविस्तर बातमी
पोलिसांनी दिलेल्या माहितीनुसार, तक्रारदार वायदंडे हे १ जूनला रात्री सातच्या सुमारास काळेपडळ रेल्वे बोगद्याजवळ मित्राची वाट पाहत थांबले होते. त्यावेळी रिक्षातून आरोपी दिशान आणि चैतन्य हे त्याठिकाणी गेले. त्यांनी वायदंडे यांच्या दुचाकीसमोर रिक्षा उभी करून हाताने मारहाण केली. त्यांचा मोबाइल, २०० रूपयांची रोकड काढून घेतली. तसेच विजय उत्तम वांजाळे यांनाही मारहाण करीत त्यांच्याकडील अडीचशे रूपयांची रोकड काढून घेत आरोपी पसार झाले. याप्रकरणी पोलीस उपनिरीक्षक गुरव तपास करीत आहेत.
