जेष्ठ महिलेचे ६० हजारांचे मंगळसूत्र चोरीला
marathinews24.com
पुणे – शहरातील हडपसर परिसरात बसस्थानकात चोरट्यांनी धुडगूस घातला असून, जेष्ठ महिलांना लक्ष्य करीत सोनसाखळी, मंगळसूत्र, ऐवज चोरून नेला जात आहे. त्यामुळे महिला प्रवाशांमध्ये प्रचंड भीतीचे वातावरण निर्माण झाले आहे. सलग तिसर्या दिवशी हडपसरमधील बसस्थानकात चोरट्यांनी महिलेचे मंगळसूत्र चोरून नेले आहे. यापुर्वी गाडीतळ बसस्थानकातून दोन महिलांचे दागिने चोरून नेले होते. त्यानंतर सासवड पीएमपीएल बसस्थानक गाडीतळ याठिकाणाहून चोरट्याने जेष्ठ महिलेचे ६० हजारांचे मंगळसूत्र चोरून नेले आहे.
नोकरी महोत्सवात ६५ कंपन्यासह १ हजार ५०० तरुण-तरुणींनी घेतला उत्स्फूर्त सहभाग – सविस्तर बातमी
पीएमपीएल बसमध्ये प्रवेश करताना गर्दीचा फायदा घेउन चोरट्यांनी जेष्ठ महिलेच्या गळ्यातील ६० हजारांचे मंगळसूत्र चोरून नेले आहे. ही घटना २२ जुलैला दुपारी एकच्या सुमारास घडली आहे. याप्रकरणी ६८ वर्षीय महिलेने हडपसर पोलसी ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे. याप्रकरणी सीसीटीव्ही फुटेजनुसार आरोपीचा माग काढला जात असल्याची माहिती हडपसर पोलिसांनी दिली आहे.
पोलिसांनी दिलेल्या माहितीनुसार, तक्रारदार महिला हडपसर परिसरात राहायला असून, २२ जुलैला दुपारी एकच्या सुमारास सासवड पीएमपीएल बसस्थानक गाडीतळ याठिकाणाहून प्रवास करण्यासाठी थांबली होती. त्यावेळी बसमध्ये प्रवेश करीत असताना चोरट्यांनी गर्दीचा फायदा घेउन महिलेच्या गळ्यातील ६० हजारांचे मंगळसूत्र हिसकावून पोबरा केला. दागिना चोरी झाल्याचे लक्षात आल्यानंतर महिलेने तातडीने हडपसर पोलीस ठाण्यात धाव घेत तक्रार दाखल केली आहे. याप्रकरणी पोलीस अमलदार शिंदे तपास करीत आहेत.
दुचाकीस्वाराला उडविले, लॅपटॉप चोरून नेला
भरधाव मोटार चालकाने दुचाकीस्वाराला धडक देउन त्याला खाली पाडले. जखमी तरूणाला मदत न करता त्याच्या पिशवीतील ५० हजारांचा लॅपटॉप चोरून नेल्याची घटना १७ जुलैला रात्री साडेबाराच्या सुमारास पुणे-सोलापूर रस्त्यालगत नोबेल रूग्णालयामागे घडली आहे. याप्रकरणी तरूणाच्या वडिलांना हडपसर पोलीस ठाण्यात फिर्याद दाखल केली आहे.
पोलिसांनी दिलेल्या माहितीनुसार, तक्रारदार हे सोलापूरचे रहिवाशी असून, त्यांचा मुलगा १७ जुलैला रात्री साडेबाराच्या सुमारास दुचाकीवरून घरी चालला होता. त्यावेळी भरधाव मोटार चालकाने त्याला धडक देउन खाली पाडले. त्यानंतर संबंधित चालकाने तरूणाला मदत न करता त्याच्या पिशवीतील ५० हजारांचा लॅपटॉप चोरून नेला आहे. याप्रकरणी पोलीस अमलदार कारंडे तपास करीत आहेत.
