म्हात्रे पुलासह पर्यायी मार्गांचा वापर करण्याच्या सूचना
marathinews24.com
पुणे – Traffic Diversion : ‘एमपीएससी’विद्यार्थ्यांच्या आंदोलनाच्या पार्श्वभूमीवर नवी पेठेतील लाल बहाद्दुर शास्त्री रस्ता परिसरात वाहतूक बदल करण्यात आले आहेत. वाहन चालकांनी पर्यायी मार्गांचा वापर करावा, असे आवाहन वाहतूक पोलिसांनी केले आहे.
पुण्यात गणेश विसर्जन मिरवणुकीत चोरट्यांचा धुमाकूळ; १३ जणांना लुटले – सविस्तर बातमी
‘एमपीएससी’ अध्यक्षांनी राजीनामा द्यावा, या मागणीसाठी विद्यार्थांनी नवी पेठेतील पत्रकार भवन परिसरात आंदोलन सुरू केले आहे. वाहन चालकांनी लालबहाद्दुर शास्त्री रस्त्यावरील गांजवे चौकातून पत्रकार भवनमार्गे एस. एम. जोशी पुलाकडे जाऊ नये. या भागातील वाहतूक कोंडी टाळण्यासाठी वाहतूक बदल करण्यात आले असून, वाहन चालकांनी पर्यायी मार्गांचा वापर करावा’, असे आवाहन वाहतूक शाखेचे पोलीस उपायुक्त डाॅ. संदीप भाजीभाकरे यांनी केले.
नवी पेठेतील पत्रकार भवन परिसरातून एस. एम. जाेशी पूलमार्गे कर्वे रस्ता, भांडारकर रस्ता, डेक्कन जिमखाना, तसेच कोथरूडकडे जाणाऱ्या वाहन चालकांनी लालबहाद्दुर शास्त्री रस्त्यावरील सेनादत्त पोलीस चौकी चौकातून म्हात्रे पुलमार्गे इच्छितस्थळी जावे. Traffic Diversion पूना हाॅस्पिटलकडे जाणाऱ्या वाहनांनी शक्यतो पत्रकार भवन, एस. एम. जोशी पूल या रस्त्याचा वापर करु नये. या भागातील वाहतूक विस्कळीत होऊ नये म्हणून पोलिसांनी वाहतूक बदल केले आहेत. वाहन चालकांनी पर्यायी मार्गांचा वापर करावा, असे आवाहन वाहतूक पोलिसांकडून करण्यात आले आहे.
