लोहगाव पोलिस ठाण्याची कारवाई
marathinews24.com
पुणे – शहरातील लोहगाव पोलिस ठाण्याच्या हद्दीत दुचाकी चोरी करणाऱ्या आरोपीला पोलिसांनी अटक केली आहे. त्याच्याकडून सुमारे २ लाख रुपये किमतीच्या दुचाकी जप्त केल्या आहेत. साहिल सोनिया सियान (वय २८, रा. खंडोबा माळ, लोहगाव) असे आरोपीचे नाव आहे.
प्रांत अधिकारी ओळखीचे असल्याचे सांगत ३ लाख ७० हजारांना फसवले – सविस्तर बातमी
पोलिसांनी दिलेल्या माहितीनुसार, लोहगाव पोलिस ठाण्यात दुचाकी चोरीप्रकरणी ५ एप्रिलला गुन्हा दाखल करण्यात आला होता. या प्रकरणाचा तपास सुरू असताना पोलिसांना सीसीटीव्ही फुटेजवरून एकजण चोरीच्या दुचाकीवरून जात असल्याचे दिसून आले. त्यानुसार पोलिसांनी सापळा रचून त्याला ताब्यात घेतले. चौकशीत त्याने आणखी एक दुचाकी चोरीची कबुली दिली.
पोलिसांनी त्याच्याकडून २ लाख रुपये किमतीच्या दोन दुचाकी जप्त केल्या आहेत. ही कामगिरी लोहगाव पोलिस ठाण्याच्या वरिष्ठ पोलिस निरीक्षक मनीषा पाटील, उपनिरीक्षक मनोज बरुरे, गणेश इथापे, अमोल आदलिंग, गणेश सातपुते यांच्यासह पथकाने केली.
