सायबर चोरट्याकडून महिलेची फसवणूक
marathinews24.com
पुणे – कमी गुंतवणूकीवर जादा नफा मिळवून देण्याचे आमिष दाखवून सायबर चोरट्यांनी महिलेला तब्बल ५२ लाख ७२ हजारांचा ऑनलाईन गंडा घातला आहे. ही घटना ३० जानेवारी ते २ एप्रिल २०२६ कालावधीत नर्‍हेत घडली आहे. याप्रकरणी ४६ वर्षीय महिलेने साबयर पोलीस ठाण्यात फिर्याद दाखल केली आहे. त्यानुसार मोबाइलधारक, लिंकधारकाविरूद्ध गुन्हा दाखल केला आहे.
सोसायटीतील घसरगुंडी पडून बालिकेचा मृत्यू – सविस्तर बातमी
पोलिसांनी दिलेल्या माहितीनुसार, तक्रारदार महिला नर्‍हेत राहायला असून, ३० जानेवारीला सायबर चोरट्यांनी त्यांना व्हॉटसअ‍ॅपद्वारे जाहिरात पाठवली होती. त्यामध्ये कमीत कमी गुंतवणूकीवर जादा नफा मिळवून देण्याचे आमिष दाखवले. त्यानंतर सायबर चोरट्याने महिलेला लिंक पाठवून डाउनलोड करण्यास सांगितले. सुरूवातीला कमी गुंतवणूकीवर जादा नफा झाल्याचे दाखवून सायबर चोरट्यांनी महिलेचा विश्वास संपादित केला. त्यानंतर त्यांच्याकडून ५२ लाख ७२ हजार रूपये वर्ग करून घेतले. फसवणूक झाल्याचे लक्षात आल्यानंतर महिलेने सायबर पोलीस ठाण्यात धाव घेतली. याप्रकरणी वरिष्ठ पोलीस निरीक्षक स्वप्नाली शिंदे तपास करीत आहेत.
