चतु:शृंगी पोलिसांनी एका दुचाकीस्वाराविरुद्ध केला गुन्हा दाखल
marathinews24.com
पुणे – दुचाकीच्या धडकेत पादचारी महिलेचा मृत्यू झाल्याची घटना गणेशखिंड रस्ता परिसरात घडली. याप्रकरणी चतु:शृंगी पोलिसांनी एका दुचाकीस्वाराविरुद्ध गुन्हा दाखल केला. सुनीता संतोष अलकुंटे (वय ४०, रा. वडारवाडी, शिवाजीनगर) असे मृत्युमुखी पडलेल्या महिलेचे नाव आहे. याबाबत अलकुंटे यांचा मुलगा रोहित (वय २०) याने चतु:शृंगी पोलीस ठाण्यात फिर्याद दिली आहे.
भाजप उमेदवाराच्या मुलाला दारू वाहतूक करताना पकडले – सविस्तर बातमी
पोलिसांनी दिलेल्या माहितीनुसार, सुनीता अलकुंटे माॅडेल काॅलनी भागात घरकाम करतात. त्या २१ नोव्हेंबर रोजी सकाळी दहाच्या सुमारास शासकीय अभियांत्रिकी महाविद्यालय परिसरातून गणेशखिंड रस्त्याकडे निघाल्या होत्या. त्यावेळी भरधाव दुचाकीने त्यांना धडक दिली. त्यांना गंभीर दुखापत झाली. उपचारादरम्यान त्यांचा मृत्यू झाला. पोलीस उपनिरीक्षक मनीषा जाधव तपास करत आहेत.
