बेळगाव ते स्वारगेट एसटी स्थानक परिसरातील घटना
marathinews24.com
पुणे – एसटी प्रवासात गर्दीचा फायदा घेउन चोरट्यांनी महिलेच्या बॅगेतील तब्बल ४ लाख २९ हजारांचे सोन्याचे दागिने चोरून नेले. ही घटना ८ जूनला सकाळी साडेआठ ते संध्याकाळी साडेसहाच्या सुमारास बेळगाव ते स्वारगेट एसटी स्थानक परिसरात घडली आहे. याप्रकरणी पिंपळे गुरव परिसरात राहणार्‍या ४८ वर्षीय महिलेने स्वागरेट पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
तब्बल २ हजार ६५ लीटर गावठी दारू जप्त – सविस्तर बातमी
पोलिसांनी दिलेल्या माहितीनुसार, तक्रारदार महिला पिंपळे गुरव परिसरात राहायला असून, ८ जूनला सकाळी साडेआठ ते संध्याकाळी साडेसहाच्या सुमारास बेळगाव ते स्वारगेट असा एसटी प्रवास करीत होती. त्यावेळी चोरट्यांनी गर्दीचा फायदा घेउन महिलेच्या बँगेतील ४ लाख २९ हजारांचे दागिने चोरून नेले.
स्वारगेट परिसरात आल्यानंतर महिलेला दागिन्यांची चोरी झाल्याचे लक्षात आले. त्यानुसार त्यांनी पोलीस ठाण्यात धाव घेत तक्रार दाखल केली आहे. दरम्यान, मागील काही दिवसांपासून पीएमपीएल बसस्थानकासह एसटी स्थानकात चोरट्यांची टोळी सक्रिय झाली असल्याचे चोरीच्या घटनांवरून स्पष्ट झाले आहे. गुन्ह्याचा तपास पोलीस उपनिरीक्षक पाटील करीत आहेत.
