आरोपीला अटक, दोघे अल्पवयीन ताब्यात
marathinews24.com
पुणे – भांडणाच्या रागातून टोळक्याने तरूणाला बॅटम पट्टीने मारहाण करीत त्याच्या डोक्यात पेव्हर ब्लॉक मारून खून केल्याची घटना २० एप्रिलला पहाटे पावणेपाचच्या सुमारास बिबवेवाडी- कोंढवा रस्त्यासह,मार्केटयार्ड परिसरात घडली आहे. रोहन कांतीलाल ओव्हाळ (वय २८, रा. काकडेवस्ती, कोंढवा) असे खून झालेल्याचे नाव आहे. याप्रकरणी कौशल कमलेश लांडगे (वय २०, रा. काळेपडळ, हडपसर) असे अटक केलेल्याचे नाव आहे. त्याच्या दोन अल्पवयीन साथीदारांना ताब्यात घेतले आहे.
हॉटेलमधील सव्वा दोन लाखांची रोकड चोरीला – सविस्तर बातमी
पोलिसांनी दिलेल्या माहितीनुसार, रोहन ओव्हाळ आणि कौशल लांडगे हे एकमेकांचे नातलग असून, काही दिवसांपुर्वी त्यांच्यात भांडण झाले होते. त्याच रागातून २० एप्रिलला पहाटेच्या सुमारास आरोपींनी रोहनला मार्वेâटयार्ड परिसरात बोलावून घेतले. त्याठिकाणी त्याच्यासोबत वादविवाद केल्यानंतर टोळक्याने त्याला मारहाण केली. त्याला बॅटम पट्टीने मारहाण करीत त्याच्या डोक्यात पेव्हर ब्लॉक मारून खून केला. त्यानंतर टोळके पसार झाले होते. याप्रकरणी आरोपी कौशलला पोलिसांनी अटक केली आहे. वरिष्ठ पोलीस निरीक्षक विश्वजित जगताप तपास करीत आहेत.
