नऱ्हे पोलिसांकडून एकाविरुद्ध गुन्हा दाखल
marathinews24.com
पुणे – चित्रपटात काम देण्याच्या आमिषाने एका तरुणीवर बलात्कार करण्यात आल्याची घटना घडली. या प्रकरणी नऱ्हे पोलिसांनी एकाविरुद्ध गुन्हा दाखल केला. अभिजित गाडे (वय २७, रा. थेरगाव, पिंपरी-चिंचवड) असे गुन्हा दाखल केलेल्याचे नाव आहे. याबाबत एका पीडित तरुणीने नऱ्हे पोलीस ठाण्यात फिर्याद दिली आहे.
वाघोली परिसरात संगणक अभियंता महिलेसह दोघींची आत्महत्या – सविस्तर बातमी
आरोपी आणि पीडित २४ वर्षीय तरुणीची ओळख दोन वर्षांपूर्वी झाली होती. त्यानंतर आरोपीने तिला जाळ्यात ओढले. तिला चित्रपटात काम मिळवून देणार असल्याचे आमिष दाखविले. त्यानंतर त्याने तिच्यावर बलात्कार केला. चित्रपटात काम मिळवून न दिल्याने तरुणीने विचारणा केली. तेव्हा आरोपीने तरुणीची छायाचित्रे समाज माध्यमात प्रसारित करण्याची धमकी दिल्याचे फिर्यादीत म्हटले आहे. वरिष्ठ पोलीस निरीक्षक आसाराम शेटे तपास करत आहेत.
